ZANZIBAR YAADHIMISHA SIKU YA WAUGUZI DUNIANI - MTAA KWA MTAA BLOG

HABARI MPYA

Home Top Ad

Post Top Ad

Tuesday, May 11, 2021

ZANZIBAR YAADHIMISHA SIKU YA WAUGUZI DUNIANI

 

 Na Ramadhan Ali Maelezo 

Mrajisi wa Vyama visivyo vya kiserikali (NGO) Ahmed Khalid Abdalla amewakumbusha Wauguzi kutekeleza majukumu yao ya kazi kwa weledi na kujiepusha na vitendo vya rushwa kwani ni adui mkubwa wa haki.

Katika kuhakikisha Wauguzi wanatoa huduma bora na kuongeza ufanisi, amewashauri kutumia fursa zilizopo za masomo kuongeza taaluma ili kuhakikisha Afya na Ustawi wa jamii Zanzibar inaimarika.

Mrajisi wa NGO ameeleza hayo katika maadhimisho ya kilele cha siku ya Wauguzi Duniani zilizofanyika katika Ukumbi wa Sheikh Idrissa Abdulwakil Kikwajuni.

Amesema Wauguzi kama zilivyo taaluma nyengine za afya, ni watu muhimu katika maendeleo ya nchi na nitegemeo kubwa katika kusaidia kuokoa maisha ya wananchi.

Amewahakikisha waunguzi kuwa Serikali itaendelea kushughulikia changamoto zinazowakabili na kuhakikisha inaimarisha miundombinu, Utaalamu na maslahi bora ili lengo la kutowa huduma nzuri liweze kufikiwa.

Mwenyekiti wa Baraza la Wauguzi na Wakunga Zanzibar Professa Amina Abdulkadir amesema Taaluma ya Uuguzi Zanzibar imeanza kupiga hatua kwa kuanzisha shahada ya kwanza katika Chuo Kikuu cha Taifa Zanzibar (SUZA) na taratibu za kuanzisha shahada ya uzamili zimeanza kuchukuliwa.

Amesema lengo la kuanzisha shahada hiyo hapa Zanzibar ni kutowa fursa kubwa zaidi kwa wauguzi kuongeza taaluma baada ya kuonekana nafasi za kujiendeleza kwa masomo hayo nje ya nchi ni chache.

Amewataka wauguzi wa Zanzibar kuimarisha umoja na mshikamano na kuwa mfano bora wa tabia njema na kufuata maadili ya kazi hiyo kama alivyokuwa mwanzalishi wa Taaluma hiyo Duniani Bibi. Florence mzaliwa wa Italy.

Katika risala ya Wauguzi iliyosomwa na Zuwena Ali Salim, wameishauri Serikali kuziangalia changamoto zinazoikabili kada hiyo ikiwemo uhaba wa vitendea kazi na maslahi duni.                        mwisho

Wauguzi walioshiriki maadhimisho ya siku ya wauguzi Duniani katika Ukumbi wa Sheikh Idrissa Abdulwakil wakila kiapo cha wauguzi.

Afisa Habari wa Jumuia ya Wauguzi Zanzibar Zuwena Ali Salim akisoma risala ya wauguzi katika maadhimisho yao yaliyofanyika Ukumbi wa Sheikh Idrissa Abdulwakil Kikwajuni.
Wauguzi walioshiriki maadhimisho ya siku ya wauguzi Duniani katika Ukumbi wa Sheikh Idrissa Abdulwakil Kikwajuni wakiimba wimbo wao wa wauguzi kwenye maadhimsiho hayo.
Mwenyekiti wa Baraza la Wuguzi na Wakunga Zanzibar Amina Abdulkadir Ali akitoa maelezo juu ya siku ya Wuguzi duniani katika maadhimisho ya siku hiyo yaliyofanyika ukumbi wa Sheikh Idrissa Abdulwakil Kikwajuni.
Mgeni rasmi katika maadhimisho ya siku ya Wauguzi Duniani Ahmed Khalid Abdalla akizungumza na wauguzi walioshiriki maadhimisho hayo katika Ukumbi wa Sheikh Idrissa Abdulwakil Kikwajuni.
Muuguzi Mkuu Kiongozi Mussa Rashid Mussa akitoa neon la shukrani baada ya kumaliza maadhimisho ya siku ya Wauguzi Duniani yaliyofanyika katika Ukumbi wa Sheikh Idrissa Abdulwakil Kikwajuni. Picha na Makame Mshenga.

No comments:

Post a Comment

Post Bottom Ad