Mkurugenzi Mtendaji wa Kampuni ya Farmbase, Bw. Suleiman Msellem(kushoto) akimpatia maelezo Waziri wa Mifugo na Uvuvi, Mhe. Mashimba Ndaki (kulia) kuhusu mchoro wa Kiwanda kikubwa cha kuzalisha Dawa za Mifugo kitakachojengwa Wilayani Kigamboni, jijini Dar es Salaam alipotembelea eneo hilo Jana.
Na Mbaraka Kambona,
Waziri wa Mifugo na Uvuvi, Mhe. Mashimba Ndaki amesema Serikali inaendeleza jitihada za kudhibiti utengenezaji holela wa dawa za mifugo pamoja na zile dawa feki za mifugo zinazoingizwa ili kuwalinda wafugaji nchini.
Waziri Ndaki alibainisha hayo jana alipotembelea eneo la Kampuni ya Uzalishaji, Usambazaji na Uingizaji wa pembejeo za mifugo na Kilimo( Farmbase) lililopo Wilayani Kigamboni, Jijini Dar es Salaam ambalo wanataka kujenga kiwanda kikubwa cha kuzalisha dawa za mifugo nchini.
Alisema kumekuwa na malalamiko kutoka kwa wafugaji kuwa kuna baadhi ya dawa wanazozitumia kutibu mifugo yao haziwapi matokeo wanayoyatarajia, na ndio maana serikali inaendelea kudhibiti uuzwaji holela wa dawa hizo na kuimarisha utaratibu mzuri wa kupatikana dawa halisi za mifugo.
“Hivi karibuni tuna mpango wa kuweka maduka ya kuuza dawa katika kila mnada ili kuwahakikishia wafugaji wetu kwamba dawa aliyonunua kutoka katika maduka hayo ni sahihi kuitumia, mpango wetu haya maduka yaendeshwe na watu binafsi chini ya usimamizi wa serikali,” alisema Mhe. Ndaki
Kwa upande wake, Mkurugenzi Mtendaji wa Kampuni ya Farmbase, Bw. Suleiman Msellem alisema kuwa wao wapo tayari kushirikiana na Serikali katika kuhakikisha dawa halisi kwa ajili ya mifugo zinapatikana kwa wingi hapa nchini.
“Njia moja ya kuondosha dawa feki ni kupatikana kwa dawa halisi, sisi tupo tayari kushirikiana na serikali yetu, na hata hayo maduka yakianzishwa tupo tayari kushirikiana katika kuzisambaza dawa kwenye maduka hayo,”alisema Msellem
Waziri wa Mifugo na Uvuvi, Mhe. Mashimba Ndaki amesema Serikali inaendeleza jitihada za kudhibiti utengenezaji holela wa dawa za mifugo pamoja na zile dawa feki za mifugo zinazoingizwa ili kuwalinda wafugaji nchini.
Waziri Ndaki alibainisha hayo jana alipotembelea eneo la Kampuni ya Uzalishaji, Usambazaji na Uingizaji wa pembejeo za mifugo na Kilimo( Farmbase) lililopo Wilayani Kigamboni, Jijini Dar es Salaam ambalo wanataka kujenga kiwanda kikubwa cha kuzalisha dawa za mifugo nchini.
Alisema kumekuwa na malalamiko kutoka kwa wafugaji kuwa kuna baadhi ya dawa wanazozitumia kutibu mifugo yao haziwapi matokeo wanayoyatarajia, na ndio maana serikali inaendelea kudhibiti uuzwaji holela wa dawa hizo na kuimarisha utaratibu mzuri wa kupatikana dawa halisi za mifugo.
“Hivi karibuni tuna mpango wa kuweka maduka ya kuuza dawa katika kila mnada ili kuwahakikishia wafugaji wetu kwamba dawa aliyonunua kutoka katika maduka hayo ni sahihi kuitumia, mpango wetu haya maduka yaendeshwe na watu binafsi chini ya usimamizi wa serikali,” alisema Mhe. Ndaki
Kwa upande wake, Mkurugenzi Mtendaji wa Kampuni ya Farmbase, Bw. Suleiman Msellem alisema kuwa wao wapo tayari kushirikiana na Serikali katika kuhakikisha dawa halisi kwa ajili ya mifugo zinapatikana kwa wingi hapa nchini.
“Njia moja ya kuondosha dawa feki ni kupatikana kwa dawa halisi, sisi tupo tayari kushirikiana na serikali yetu, na hata hayo maduka yakianzishwa tupo tayari kushirikiana katika kuzisambaza dawa kwenye maduka hayo,”alisema Msellem
No comments:
Post a Comment