MSAMA: TUWAPUUZE WANAOLIPWA KUVURUGA AMANI YETU

 Mfanyabiashara maarufu nchini Tanzania Ndugu Alex Msama amewasihi Watanzania kuwapuuza watu ambao wanalipwa ili kuvuruga amani ya nchi yetu na mara nyingi wamekuwa wakidaiwa sio Watanzania na baadhi yao ni Watanzania wanaoishi nje ya nchi ikidaiwa nchi za jirani na Mataifa mengine ya nje.

"Watanzania wenzangu, nawasihi kwa moyo mmoja tuwapuuze watu wanaotaka kuvuruga amani yetu, maana watu hao wanalipwa mamilioni  ya fedha ili kuvuruga amani yetu tuliyo nayo, pia watu hao hawaishi hata hapa nchini bali wanaishi nje ya nchi, wengi sio Watanzania na wanalipwa na baadhi ya Watanzania na watu wengine wa nje ya nchi ili wavuruge amani yetu iliyoasisiwa na wazee wetu , watu hao furaha yao ni kuona amani yetu inavurugika ili watuibie rasilimali zetu, pia furaha yao ni kuona tunagombana, tunauana na kuchukiana, tuwapuuze".