MTAA KWA MTAA BLOG

WAJASIRIAMALI WAKIWA KAZINI

.Kamera imenasa wakazi wa jiji Dar es Salaam wajasiliamali maarufu kama machinga wakiandaa biashara zao leo katika soko la Karume Ilala.

Machinga akisafisha viatu ili kwa kuingiza sokoni katika soko la Ilala jijini Dar es Salaam.

.Watembea kwa miguu wakikwepa shimo lililopo katika barabara ya Kilwa jijini Dar s Salaam.

Picha na Emmanuel Massaka,Globu ya jamii.

BARABARA YA SARANGA-KING'ONG'O KUKARABATIWA KWA DHARULA

Mstahiki Meya wa Ubungo Boniface Jacob akiwa ameongozana na kamati ya fedha wakikangua barabara ya Saranga, King'ong'o ambazo zipo kwenye Matengenezo ya dharura, jijini Dar es Salaam.

Dereva wa pikipiki akikwepa shimo katika barabra ya Saranga, King'ong'o jijini Dar es Salaam.

Halmashauri ya manispaa ya Ubungo, kupitia ziara ya kamati ya fedha iliyokuwa ikiongozwa na Mstahiki Meya, Boniface Jacob walifika kujionea hali ya uharibifu wa barabara hasa maeneo ya Kwandevu kuelekea King'ong'o kata ya Saranga

Nakuhaidi kuishughulikia kwa dharula maeneo mawili

yaliyoonekana kuharibika sana na kisababisha uharibifu wa magari, foleni na kuhatarisha Maisha ya watembea kwa miguu.

Matengenezo ya dharula yataanza hivi karibuni chini ya Mhandisi wa Halamshauri ya Ubungo huku Manispaa ikiendelea kufuatilia kuingiziwa fedha za barabara hiyo kutoka Manispaa ya kinondoni kwenye akaunti ya pamoja iliyofungwa na Bodi ya barabar ambapo zilitengewa kiasi cha shillingi Millioni 400 kuweka zege maeneo yote ya miteremko na vilima vya Matosa mpaka kimara kupitia King'ong'o.

IMETOLEWA Na OFISI YA MSTAHIKI MEYA HALMASHAURI YA MANISPAA UBUNGO.

NDOTO ZA ZANZIBAR KUSHIRIKI MICHUANO YA CAF ZAFUTIKA, YAVULIWA UANACHAMA

Shirikisho la Soka barani Afrika (CAF) limefanya maamuzi ya kuwavua uanachama chama cha soka cha Zanzibar ikiwa ni miezi minne toka kipewe uanachama na CAF kutoka kwa Rais aliyepita Issa Hayatou.

Rais wa soka barani Afrka (CAF ) Ahmad Ahmad amesema Zanzibar walipewa uanachama kimakosa na kama sheria zingepitiwa vizuri wasingepewa uanachama.

“Walipewa uanachama bila kupitia vizuri kanuni ambazo ziko wazi na zinaeleza kila kitu, kama kanuni na sheria zingepitiwa kiufasaha wasingepewa uanachama”

Sababu kubwa ambayo CAF wameivua uanachama Zanzibar ni kutokana na kisiwa hicho kuwa ndani ya Tanzania ambao nao ni wanachama wa CAF.

“Jina la nchi linatokana na jina linaloandikwa katika umoja wa mataifa UN na Zanzibar katika umoja huo inafahamika ipo ndani ya nchi iitwayo Tanzania ambao ni wanachama wa CAF” alisema Ahmad.

Hilo ni pigo kubwa kwa Wazanzibar kwani wakati huu walikuwa wakipambana kupata uanachama wa FIFA ambao wameukosa na wa CAF nao pia wamekosa.

Kwa maana hiyo ndoto ya kisiwa cha Zanzibar kushiriki michuano ya CAF kama mwanachama zimekufa rasmi na sasa watakuwa wakishiriki michuano hiyo kama Tanzania (Zanzibar na Tanzania bara).

RAIS MAGUFULI AZINDUA MIRADI MBALIMBALI YA MAENDELEO NA KUHUTUBIA WANANCHI KWENYE MIKUTANO MBALIMBALI YA HADHARA

Rais wa jamhuri ya muungano wa Tanzania, Dkt. John Pombe Magufuli akiwahutubia wananchi wa Kakonko kabla ya kuzindua Ujenzi wa barabara ya Kibondo -Nyakanazi yenye urefu wa kilometa 54, katika mkoa wa Kigoma.

Wananchi wa Wilaya ya Kakonko mkoani Kigoma wakisikiliza hotuba ya Rais wa Jamhuri ya Muungano wa Tanzania Dkt. John Pombe Magufuli wakati wa Uzinduzi wa Ujenzi wa Barabara ya Kibondo -Nyakanazi yenye urefu wa kilometa 54, kwenye Sherehe zilizofanyika katika uwanja wa Standi Mpya ya Mabasi Kakonko katika mkoa wa Kigoma Rais yupo mkoani Kigoma kwa ziara ya siku Tatu

Baaadhi ya Viongozi wa vyama vya siasa na wananchi wa Wilaya ya Kakonko Mkoani Kigoma wakisikiliza Hotuba ya Rais wa Jamhuri ya Muungano wa Tanzania Dkt. John Pombe Magufuli wakati wa Uzinduzi wa Ujenzi wa Barabara ya Kibondo -Nyakanazi.

Rais wa jamhuri ya muungano wa tanzania Dkt. John Pombe Magufuli pamoja na viongozi mbalimbali wakifungua kitambaa kuashiria kuweka jiwe la msingi la ufunguzi wa Barabara ya Kibondo -Nyakanazi kiwango cha lami.

Rais wa Jamhuri ya Muungano wa Tanzania Dkt. John Pombe Magufuli pamoja na viongozi mbalimbali serikali wakikata Utepe kuashiria kuweka jiwe la Msingi la Uzinduzi wa Ujenzi wa Barabara ya Kibondo -Nyakanazi

Rais wa Jamhuri ya Muungano wa Tanzania Dkt. John Pombe Magufuli akiwasalimia wananchi wa mji wa Kibondo wakati akiwa safarini kutoka Ngara kuelekea Mkoani Kigoma.

Rais wa jamhuri ya muungano wa tanzania Dkt. John Pombe Magufuli akisalimiana na kijana mwenye ulemavu amabye ni fundi wa kushona nguo ndugu Aron Michael Kapililo mkazi wa Kibondo ambaye alisimiana na Rais Magufuli

Rais wa jamhuri ya muungano wa tanzania Dkt. John Pombe Magufuli akisalimiana na mamia ya wananchi wa kijiji cha Kifura, Kibondo Mkoani kigoma waliokuwa wamesimama njiani ili kusalimiana na mh Rais akiwa njiani safarini kutoka Ngara kuelekea Mkoani Kigoma

Mamia ya wakazi wa Kasulu Mkoani Kigoma waliojitokeza kumsikiliza Rais wa jamhuri ya muungano wa tanzania Dkt. John Pombe Magufuli wakati wa uzinduzi wa ujenzi wa barabara kwa kiwango cha lami yenye urefu wa kilometa 63 Kidawe - Kasulu.

Rais wa Jamhuri ya Muungano wa Tanzania Dkt. John Pombe Magufuli akisalimiana na mamia ya wananchi wa Mamia ya wakazi wa Kasulu Mkoani Kigoma waliojitokeza kumsikiliza wakati wa uzinduzi wa ujenzi wa barabara kwa kiwango cha lami yenye urefu wa kilometa 63 Kidawe - Kasulu.

Mke wa Rais Mama Janeth Magufuli akiwapungia mikono mamia ya wakazi wa Kasulu, Mkoani Kigoma.

Mamia ya wakazi wa Kasulu Mkoani Kigoma waliojitokeza kumsikiliza Rais wa Jamhuri ya muungano wa Tanzania Dkt. John Pombe Magufuli wakati wa uzinduzi wa ujenzi wa barabara kwa kiwango cha lami yenye urefu wa kilometa 63 Kidawe - Kasulu.

Rais wa Jamhuri ya Muungano wa Tanzania Dkt. John Pombe Magufuli akisalimiana na baadhi ya viongozi walioshiriki uzinduzi wa uzinduzi wa ujenzi wa barabara kwa kiwango cha lami yenye urefu wa kilometa 63 Kidawe - Kasulu

Rais wa Jamhuri ya Muungano waTanzania Dkt. John Pombe Magufuli akisalimiana na Mbunge Kigoma Mjini Mheshimiwa Zitto Zuberi Kabwe mara baada ya kuzindua ujenzi wa barabara kwa kiwango cha lami yenye urefu wa kilometa 63 Kidawe - Kasulu

Rais wa Jamhuri ya Muungano waTanzania Dkt. John Pombe Magufuli akiwa na viongozi mbalimbali wa mkoa wa Kigoma akikata utepe kuashiria Uzinduzi wa ujenzi wa barabara kwa kiwango cha lami yenye urefu wa kilometa 63 Kidawe - Kasulu Mkoani Kigoma,

Rais wa Jamhuri ya Muungano wa Tanzania Dkt. John Pombe Magufuli akiwapungia mkono wananchi waliokuwa wamefurika njiani mara baada ya Uzinduzi wa ujenzi wa barabara kwa kiwango cha lami yenye urefu wa kilometa 63 Kidawe - Kasulu Mkoani Kigoma.

KOMBE LA MATAIFA AFRIKA SASA KUFANYIKA JUNI NA JULAI 2019 NCHINI CAMEROON

Shirikisho la soka barani Afrika (CAF) limethibitisha.kuwa Kombe la mataifa bingwa Afrika 2019 litafanyika mwezi Juni na Julai

Mchuano huo huwa unafanyika mnamo mwezi Januari na Februari na kusababisha migogro na vilabu vya Ulaya ambavyo hulazimika kuwatoa wachezaji katikati ya msimu.

Kinyang'anyiro hicho cha 2019 kitakachoandaliwa Cameroon kitashirikisha timu 24 badala ya 16. Mabadiliko hayo yalitiwa sahihi na kamati kuu ya CAF katika mkutano uliofanyika mji mkuu wa Rabat.

Michuano hiyo imekuwa ikishirikisha timu 16 tangu 1996. Upanuzi wa mechi hizo unaweza kusababisha matatizo kwa Cameroon ambayo itaanda fainali ijayo, huku waziri wa michezo wa taifa hilo la Afrika ya kati akilazimika kukataa ripoti kwamba maandalizi yalikuwa nyuma.

Mashindano hayo yataendelea kila baada ya miaka miwili barani Afrika. Caf ilikuwa inapanga iwapo itaruhusu mataifa kutoka mabara mengine kushiriki ama hata kuandaa mchuano huo.

Tangazo hilo linajiri kufuatia mkutano wa siku mbili ulioandaliwa na rais wa Caf Ahmad kuzungumzia hali ya soka barani Afrika.

WANANCHI VISIWANI ZANZIBAR AMBAO NYUMBA ZAO ZILIATHIRIWA NA MAFURIKO KUJENGEWA MPYA

Makamu wa Pili wa Rais wa Zanzibar Balozi Seif Ali Iddi kati kati akisalimiana na Mwakilishi wa Taasisi ya Kimataifa ya kujitolea inayojishughulisha na masuala ya Kibinaadamu ya Umoja wa Falme za Kiarabu {UAE } ya Emirates Red Crecent Bwana Said Al – Khemeir. Wa kwanza kutoka Kulia ni Mhandisi wa Taasisi ya Emirates Red Crecent Bwana Fateh Basel.

Balozi Seif akizungumza na Ujumbe wa Viongozi wa Taasisi ya Kimataifa ya kujitolea inayojishughulisha na masuala ya Kibinaadamu ya Umoja wa Falme za Kiarabu {UAE } ya Emirates Red Crecent Ofisini kwake Vuga Mjini Zanzibar.

Taasisi ya Kimataifa ya kujitolea inayojishughulisha na masuala ya Kibinaadamu ya Umoja wa Falme za Kiarabu {UAE } inakusudia kujenga Nyumba Mpya za Kisasa za Makaazi katika Wilaya tofauti za Zanzibar kwa ajili ya Wananchi ambao Nyumba zao zimekumbwa na Maafa wakati wa msimu wa Mvua za Masika uliopita.

Ujenzi wa nyumba hizo unafuatia wito wa Serikali ya Mapinduzi ya Zanzibar wa kuzitaka Nchi, Taasisi na Mashirika rafiki ndani na nje ya Nchi kusaidia kuunga mkono Wananchi walioathirika na Mvua hizo ambao wengine wamepoteza kabisa Makaazi yao.

Mwakilishi wa Taasisi ya Kimataifa ya kujitolea inayojishughulisha na masuala ya Kibinaadamu ya Umoja wa Falme za Kiarabu {UAE } ya Emirates Red Crecent Bwana Said Al – Khemeir alitoa kauli hiyo wakati wa mazungumzo yake na Makamu wa Pili wa Rais wa Zanzibar Balozi Seif Ali Iddi Vuga Mjini Zanzibar.

Bwana Said alisema Uongozi wa Taasisi yake ulifika Zanzibar kuangalia maeneo yaliyoathirika na Mvua hizo na kuandaa Mipango itakayosaidia kuanzwa kwa Mradi huo mkubwa utakaohusisha Wilaya zote zilizopatwa maafa hayo.

Alisema Awamu ya kwanza ya mradi huo itaanza Kisiwani Pemba kwa ujenzi wa Nyumba 30, zitakazokuwa na uwezo wa kuchukuwa Familia Mbili, Skuli yenye Madarasa Saba na Maktaba yake, Hospitali, Msikiti pamoja na Maduka kwa ajili ya wakaazi watakaoishi eneo husika.

Mwakilishi huyo wa Taasisi ya Kimataifa ya kujitolea inayojishughulisha na masuala ya Kibinaadamu ya Emirates Red Crecent alisema Taasisi hiyo yenye kufanya kazi chini ya ushauri wa Vyama vya Msalaba Mwekundu na Mwezi Mwekundu Duniani imekuwa ikitoa huduma za kibinaadamu katika Mataifa mbali mbali Duniani kutegemea na mahitaji ya Nchi husika.

Naye Mhandisi Muandamizi wa Taasisi hiyo ya Emirates Red Crecent Fateh Basel aliishauri Serikali ya Mapinduzi ya Zanzibar kwamba maeneo yatakayotengwa kwa ajili ya ujenzi wa Nyumba hizo ni vyema yakawa salama.

Mhandisi Basel alisema maeneo yatakayotengwa endapo yatakuwa karibu na miundombinu ya Bara bara, Maji na Huduma za Umeme yatasaidia kurahisisha mradi huo kukamilika kwa haraka ili kutoa faraja kwa Wananchi waliothirika na Mvua za masika zilizopita.

Aliupongeza ushirikiano wa karibu ulioonyeshwa na watendaji wa Wilaya na Mikoa wakati wa ziara yao ya kukagua sehemu zilizoathirika na Mvua za Masika pamoja na kuangalia baadhi ya maeneo salama yenye sifa na haiba ya kujengwa kwa mradi huo.

Akitoa shukrani zake kwa Uongozi wa Taasisi hiyo ya Emirates Red Crecent Makamu wa Pili wa Rais wa Zanzibar Balozi Seif Ali Iddi alisema kitendo kilichobuniwa na Taasisi hiyo hakitolea faraja kwa Wananchi walioathirika na janga hilo pekee bali hata na Serikali Kuu kwa ujumla.

Balozi Seif alisema atauagiza Uongozi wa Kila Mkoa na Wilaya Visiwani Zanzibar kufanya utafiti na uhakiki wa kuangalia maeneo yatakayoweza kuanzishwa miradi hiyo itakayostawisha Wananchi waliokusudiwa.

Makamu wa Pili wa Rais wa Zanzibar aliuhakikishia Uongozi huo wa Emirates Red Scecent kwamba Serikali ya Mapinduzi ya Zanzibar itazingatia wazo hilo kwa ajili ya kulitolea baraka zake ili Mradi huo uanze mara moja na kulet tija iliyokusudiwa.

Othman Khamis Ame

Ofisi ya Makamu wa Pili wa Rais wa Zanzibar

21/7/2017.

Mwakilishi wa Taasisi ya Emirates Red Crecent ya Umoja wa Falme za Kiarabu Bwana Said Al – Khemeir wa Pili kutoka Kushoto akimfafanua Balozi Seif nia ya Taasisi yake kujenga Nyumba kwa ajili ya Wananchi walioathirika nja Mvua za Masika.

Mhandisi wa Taasisi ya Milele Zanzibar Foundation Bwana Khamis Rasshid wa kwanza kutoka Kulia ambaye Kampuni yake ndio itakayosimamia Ujenzi wa Nyumba za Wananchi walioathirika na Mvua za Masika akifafanua jambo wakati Ujumbe wa Emirates Red Crecent upofanya mazunguma na Balozi Seif.

Bwana Said Al – Khemeir akimuonyesha Balozi Seif ramani za Majengo ya nyumba zintakazojengwa na Emirates Red Crecent hapa Zanzibar kwa ajili ya Wananchi walioathirika na Mvua za Masika.

Balozi Seif akiwa katika picha ya pamoja na Uongozi wa Emirates Red Crecent pamoja na ule wa Milele Zanzibar Foundation mara baara kumaliza mazungumzo yao.

BALOZI WA ISRAEL AMUAGA MAKAMU WA RAIS BAADA YA MUDA WAKE KUMALIZIKA

Makamu wa Rais wa Jamhuri ya Muungano wa Tanzania Mhe. Samia Suluhu Hassan leo amekutana na kufanya mazungumzo na Balozi wa Israel nchini anayemaliza muda wake Mhe. Yahel Vilan.

Balozi huyo alikutana na Makamu wa Rais na kumuaga rasmi kwani muda wake wa kutumikia nchini ulikuwa umemalizika. akamu wa Rais alisema anafurahi kuona Idadi kubwa ya Watalii kutoka Israel wanaokuja Tanzania.

“Tunawakaribisha sana Tanzania, waje kwa wingi wao, tunawakaribisha kwa mikono miwili” na alimuhakikishia Balozi huyo kuwa Tanzania itaendelea kuimarisha mahusiano yaliyopo baina ya nchi hizi mbili.

Kwa upande wake Balozi Yahel alisema watalii kutoka nchini Israel wameongezeka kutokana na kuvutiwa na mazingira mazuri , amani na utulivu wa nchi.

Balozi Yahel alisema atakuwa mjumbe wa kuitangaza Tanzania popote duniani .

Makamu wa Rais wa Jamhuri ya Muungano wa Tanzania Mhe. Samia Suluhu Hassan akisalimiana na Balozi wa Israel nchini Mhe. Yahel Vilan (kushoto) ambaye muda wake wa kutumikia umemalizika na alifika kumuaga Mhe. Makamu wa Rais kwenye makazi yake Oysterbay jijini Dar es Salaam kwa lengo la kuaga .(Picha na Ofisi ya Makamu wa Rais)

Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Balozi wa Israel nchini Mhe. Yahel Vilan (kushoto) ambaye muda wake wa kutumikia umemalizika na alifika kumuaga Mhe. Makamu wa Rais kwenye makazi yake Oysterbay jijini Dar es Salaam kwa lengo la kuaga .

Makamu wa Rais wa Jamhuri ya Muungano wa Tanzania Mhe. Samia Suluhu Hassan akiwa kwenye picha ya pamoja na Balozi wa Israel nchini Mhe. Yahel Vilan (kushoto)ambaye muda wake wa kutumikia umemalizika na alifika kumuaga Mhe. Makamu wa Rais kwenye makazi yake Oysterbay jijini Dar es Salaam kwa lengo la kuaga .

WAZIRI SIMBACHAWENE AVUNJA BODI YA SHIRIKA LA MASOKO KARIAKOO

KAMANDA MPYA WA POLISI MKOA WA KINONDONI ACP MULIRO AAGANA NA WAANDISHI WA HABARI MKOA WA SHINYANGA

Kamishna Msaidizi wa Polisi (ACP) Murilo Jumanne Murilo akiagana na Mwenyekiti wa Klabu ya waandishi wa habari mkoa wa Shinyanga (Shinyanga Press Club - SPC) ,Kadama Malunde (kushoto) - Picha na Shinyanga Press Club.

Kamishna Msaidizi wa Polisi (ACP) Murilo Jumanne Murilo aliyekuwa kamanda Polisi Mkoa wa Shinyanga kuanzia Mwezi Agosti mwaka 2016 hadi mwezi Julai mwaka huu, leo Ijumaa Julai 21,2017 ameagana na Waandishi wa habari mkoa wa Shinyanga tayari kuanza kutekeleza majukumu yake ya Ukamanda wa polisi katika mkoa wa Kinondoni.

Julai 18,2017, Mkuu wa Jeshi la Polisi nchini, IGP Saimon Sirro alifanya mabadiliko ya Kamanda wa Polisi Mkoa wa Kinondoni pamoja na Kamanda wa Polisi wa Mkoa wa Shinyanga.

Kufuatia mabadiliko hayo Kamanda wa Polisi Mkoa wa Kinondoni Kamishna Msaidizi Mwandamizi wa Polisi (SACP) Suzan Salome Kaganda amekuwa Mkuu wa kitengo cha Mafao na Fidia Makao Makuu ya Polisi na nafasi yake imechukuliwa na Kamanda Muliro huku nafasi ya Muliro ikichukuliwa na Kamishna Msaidizi wa Polisi (ACP) Simon Sylverius Haule, ambaye alikuwa Afisa Mnadhimu wa Polisi wa Mkoa wa Mara.

Akizungumza leo wakati wa kuagana na waandishi wa habari wa mkoa wa Shinyanga, Kamanda Muliro aliwashukuru wananchi wa mkoa wa Shinyanga pamoja na waandishi habari kwa ushirikiano waliokuwa wanampatia tangu afike mkoani humo.

“Mwezi Agosti mwaka 2016,nilipoteuliwa kuwa kamanda wa polili mkoa wa Shinyanga,kitu cha kwanza nilichokifanya nilikutana nanyi na kuwaomba ushirikiano wenu wa dhati katika utekelezaji wa majukumu yangu,nimeona niwashukuru kwa dhati,nawashukuru wadau wote wa masuala ya kiusalama katika mkoa wa Shinyanga,viongozi wa idara mbalimbali za serikali,wananchi pamoja na wanahabari ambao kwa kiwango kikubwa walinisaidia katika kutekeleza majukumu yangu”,alieleza Kamanda Muliro.

“Waandishi wa habari nawapa nafasi ya pekee kwa sababu tangu mwanzo niliwaeleza kuwa ili tuweze kutekeleza majukumu yetu ya masuala yanayohusiana na haki ninyi mna nafasi kubwa,niliwakumbusha kuwa ninyi mna nafasi ya kuona mbali wakati mwingine kuliko tunapoona sisi,mnapata habari mbalimbali ambazo zilikuwa zinatusaidia sana kufanya uchunguzi na kufanikisha kutoa haki kwa wananchi”,alisema Kamanda Muliro.

“Wote mnakumbuka changamoto tulizokuwa nazo mkoani hapa,ikiwemo za wazee kuuawa,unyang’anyi wa kutumia silaha,utekaji magari,ajali za barabarani,makosa ya ndoa za utotoni,watu kujichukulia sheria mkononi kwa kupitia ninyi mmenisaidia sana,tulipambana wote kwa pamoja na kwa kiasi kikubwa tukafanikiwa na kuufikisha mkoa hapa tulipofika”,alisema Kamanda Muliro.

“Nimewaiteni hapa ili kuwapa taarifa rasmi kuwa sasa naenda kutumikia mkoa wa Kinondoni,naomba kamanda anayekuja mmpatie ushirikiano mlionipa,muwe wawazi,watulivu,wavumilivu na jambo lolote mnaloona au kulisikia muweze kulifanyia uchunguzi na wakati mwingine mpate habari upande wa pili kama vile taaluma zenu zinavyoelekeza”,aliongeza Kamanda Muliro.

Akizungumza kwa niaba ya waandishi wa habari, Mwenyekiti wa Klabu ya Waandishi wa habari mkoa wa Shinyanga,Kadama Malunde alimshukuru kamanda Muliro kwa ushirikiano wote aliokuwa akitoa kwa waandishi wa habari kwa muda muafaka pale walipohitaji ufafanuzi kuhusu mambo mbalimbali ili kuihabarisha na kuielimisha jamii ili kufichua na kutokomeza vitendo vya kihalifu mkoani humo.

“Kamanda Muliro hakuwa na tabia ya kupuuzia mambo anayoelezwa,alikuwa msikivu siku zote amekuwa akitumia kauli ya “Jifunze Kusikiliza”,na mara kwa mara amekuwa akifika katika ofisi ya waandishi wa habari mkoa wa Shinyanga siyo tu kikazi bali hata kubadilishana tu mawazo”,aliongeza Malunde.

Kamishna Msaidizi wa Polisi (ACP) Murilo Jumanne Murilo akizungumza na waandishi wa habari mkoa wa Shinyanga leo Ijumaa Julai 21,2017 katika ukumbi wa jeshi la polisi mkoa wa Shinyanga.

Mwenyekiti wa Klabu ya waandishi wa habari mkoa wa Shinyanga (Shinyanga Press Club - SPC) ,Kadama Malunde akizungumza wakati Kamanda Muliro akiagana na waandishi wa habari mkoa wa Shinyanga.

Wa kwanza kushoto ni Katibu Mtendaji wa Klabu ya Waandishi wa Habari mkoa wa Shinyanga (SPC) , Stephen Wang'anyi,akifuatiwa na Mwenyekiti wa SPC,Kadama Malunde,kamanda Murilo na Makamu Mwenyekiti wa SPC ,Shaaban Alley wakiwa katika picha ya kumbukumbu.

Waandishi wa habari mjini Shinyanga wakiwa katika picha ya kumbukumbu na kamanda Muliro.

Waandishi wa habari waliopo mjini Shinyanga wakiwa katika picha ya pamoja na kamanda Muliro. Hawa ni miongoni mwa waandishi wa habari 91 waliopo mkoani Shinyanga ambapo kati yao zaidi ya 50 wapo mjini Kahama.

MAENDELEO PAMOJA NA WEWE

Maendeleo Bank pamoja na wewe. Bank ya Maendeleo leo imezindua promosheni iitwayo Maendeleo pamoja na wewe. Akizungumza kwenye hafla hiyo Mkurugenzi Mtendaji wa Maendeleo Bank Ibrahim Mwangalaba alisema “ Leo tumekutana hapa kwa ajili ya tukio fupi tu la kuzindua rasmi promosheni tuliyoipa jina la Maendeleo Bank pamoja na wewe”.

Aliongeza kusema “Promosheni ya Maendeleo Bank pamoja na wewe ni mahususi kwa wateja waliopo au wapya. Kama mnavyojua Maendeleo Bank imeanzishwa miaka 4 iliyopita na imepiga hatua kubwa sana; Tumeongeza matawi kutoka moja hadi 3 ambayo ni Luther House， Mwenge na Kariakoo， tumebuni bidhaa nyingi， tumepata faida nzuri katika kipindi kifupi hadi kufikia Milioni 550， Amana za benki zimeongezeka hadi kufikia Bilioni 34，tumetoa mikopo inayofikia Bilioni 27 tumeajiri wafanyakazi 63， na kama tutaruhusiwa na CMSA tunatarajia kukaribisha wanahisa wapya kupitia Soko la awali yaani IPO hivyo kukuza wigo wa umiliki wa benki na mtaji wa kufanya mambo mengi zaidi”.

Alimalizia kwa kusema ， Sisi kama benki yenye kulenga kuwapa wateja wetu Maendeleo tunawapa wateja watakaofungua akaunti za akiba au timiza nafasi yakujishindia ; Viwanja， tani za cement， mabati au ada za shule kwa wale watakao fungua au kuweka amana kwenye Maendeleo Junior.

Promosheni hii ni ya miezi 3.

MAJALIWA AWEKA JIWE LA MSINGI LA NYUMBA ZA HALMASHAURI YA MOMBA

Waziri Mkuu, Kassim Majaliwa akipata maelezo kutoka kwa Mwanachuo wa Chuo cha DIT, Grolia Shoo kuhusu Mradi wa Ujenzi wa Nyumba za watumishi wa Halmashauri ya Wilaya ya Momba zinazojengwa na Shirika la Taifa la Nyumba katika eneo la Chitete wialyani Momba Julai 21, 2017. Gloria anafanya kazi kwa muda akijifunza katika shirika hilo. Kushoto kwake ni mkewe Mary na wapili kushoto ni Mwenyekiti wa Bodi ya Shirika la Nyumba la Taifa, NHC, Blandina Nyoni. (Picha na Ofisi ya Waziri Mkuu)

Waziri Mkuu, Kassim Majaliwa akiweka jiwe la Msingi la ujenzi wa nyumba 20 za watumishi wa Halmashauri ya Wilaya ya Momba katika eneo la Chitete akiwa katika ziara ya mkoa wa Songwe Julai 21, 2017. Wapili kulia ni mkewe Mary na kulia ni Mkuu wa Mkoa wa Songwe, Chiku Galawa. Kulia kwa Waziri Mkuu ni Mwenyekiti wa Bodi ya Shirika la Nyumba la Taifa (NHC) linalojenga nyumba hizo, Blandina Nyoni. (Picha na Ofisi ya Waziri Mkuu)