Jeshi la polisi mkoa wa Kipolisi Tarime Rorya linawashikilia watu 18 kwa tuhuma za mauaji ya mtu mmoja aliyefahamika kwa jina la Magige Mesenda 32 mkazi wa kijiji cha Nyarwana Kata ya Kibasuka Wilayani Tarime Mkoani Mara.
Akizungumza na waandishi wa habari leo,Kamanda wa polisi Mkoa wa Polisi Tarime Rorya SACP Henry Mwaibambe amesema Magige aliuawa kwa kushambuliwa na mshale wenye sumu katika paja lake la mguu wa kulia na wananchi ambao waliotambuliwa kwa sura wakazi wa kijiji cha Matongo ambao walitoroka baada ya kufanya tukio hilo.
Aliongeza kuwa kabla ya tukio hilo watuhumiwa walimkamata mtoto wa marehemu aliyefahamika kwa jina la Mwita Magige (11) mwanafunzi wa darsa la tatu akiwa anachunga mifugo ya baba yake na kumnyanganya simu na radio ndogo kisha kupora mifugo.
Kufuatia tukio hilo mtoto huyo alitoa taarifa kwa baba na marehemu alifika eneo la tukio akiwa na baadhi ya wanakijiji kujua kulikoni na ndipo alishambuliwa kwa mshale na mauti kumkuta.
"Kiini cha vurugu ni mgogoro ambao ulishatatuliwa siku nyingi juu ya nani anamiliki mto Tigite kati ya wanahi wa kijiji cha Matongo na Nyarwana ambapo iliamuliwa kila upande una haki ya kutumia mto huo" ,alisema
Kamanda.
Aidha kamanda amezitaja silaha za jadi zilizokamatwa kufuatia tukio hilo kuwa ni mishale 46 pinde 10 na mkuki mmoja na kusema kuwa jeshi la polisi litahakikisha linawakamata watu wote waliohusika katika tukio hilo.
Kamanda wa polisi Tarime Rorya SACP:Henry Mwaibambe akionyesha baadhi ya silaha za jadi ikiwemo Mishale, Upinde na Mkuki zilizokuwa zikitumika katika mapigano hayo.
PICHA ZOTE NA CLEO24NEWS
No comments:
Post a Comment