NAMAINGO YATOA ELIMU KWA WANANCHI WA KATA YA MAANGA MTAA WA MAENDELEO JIJINI MBEYA...

 Mratibu mkuu wa Namaingo Jijini Mbeya Bw.Jotham Wilson akisisitiza jambo kwenye Semina elekezi kwa wananchi wa kata ya Manga,Jijini Mbeya

Kampuni lisilo la kiserikali Namaingo Business Agency ukanda wa Mbeya leo katika Kata ya Manga ,mtaa wa Maendeleo limefanya mkutano wa mafunzo kwa wananchi wa Kata hiyo na maeneo ya jirani wakiwa na malengo makuu ya Kuifundisha jamii mbinu mpya na bora katika kuyaendea mafanikio binafsi na kupunguza utegemezi.
Akiongea kwa umaridadi mkubwa Bw. Jotham Wilson ambaye ni Mratibu  ndani ya Namaingo ameutanabaisha Umma kwa kutumia mifano mtambuka kuwaeleza makumi ya wananchi waliokuwepo mkutanoni hapo mbinu mpya ya kufikia maendeleo hasa kwa kutumia mfano wa jinsi gani Serikali, mkulima, mnunuzi, taasisi za kifedha, mtaalamu na mwanasheria wanavyoweza kutegemeana na kufanya kazi kwa pamoja ili kuzalisha zaidi.
Mkufunzi huyo ameutanabaisha Umma kuwa wao kama Namaingo wanafanya kazi kwa kushirikiana zaidi na serikali hivyo ni nafasi ya wananchi kukipatia maeneo mengi ya ardhi ya kuanzisha Vijiji mradi kwa kupata ekari nyingi za uwekezaji, pia Namaingo kuhakikusha wananchi wanapata mitaji kwa riba nafuu, masoko pia .
Bw. Jotham Wilson  amesema kupitia kujiunga na Kampuni hiyo kutamwezesha mwananchi wa kipato cha chini kujiunga na baadhi ya taasisi kwa urahisi zaidi ikiwepo Shughuli za usajili wa kampuni zao Brella, kupata utambulisho wa Biashara TIN na kupata Leseni kwa haraka na wepesi.
Pia mwana Namaingo atakatiwa Bima ya Biashara ili kama ikitokea kakopeshwa Milioni 5 na mwananchi akaamua kufuga kuku ,ghafla ugonjwa ukatokea kuzishambulia kuku mteja huyo atalipwa ili kuendelea na ufugaji wake pasipo kugharamia tena .
Akiongea na mkutano huo Diwani wa kata hiyo Mh.Newton Mwatujobe ameitaka Kampuni hiyo kuhakikisha ina wasaidia zaidi wananchi waweze kufikia mafanikio yao bila kupata usumbufu kwa baadhi ya mambo yenye changamoto kubwa kama Suala ls usajili Brella, kupata TIN na Leseni.
Naye Mratibu mwenza wa Namaingo Business Agency Mkoa wa Mbeya Bi.Zenobia Ishika amewashukuru wananchi na amewaomba wananchi wote kuitembelea Kampuni iyo kwani ni yao wananchi na pindi wawapo na maswali ya hapa na pale basi wasisite kufika Ofisi zao Zilizopo Mtaa wa Block T, Kata ya Iyela karibu na Shule ya sekondari ya Southern Highland na Chuo Kikuu Teofilo Kisanji (TEKU) kwa upande wa Mashariki mwa Ofisi yao.
Bi.Zenobia Ishika alimalizia kwa kuwashukuru wananchi kwa Uvumilivu na Utulivu waliouonesha muda wote wa Mkutano na kuwatakia utekelezaji mwema wananchi. 

KWA MAWASILIONO ZAIDI.
MOB,0752 113 936 AU 0719 193 403.
namaingo2015@gmail.com 

Wazee wa Mtaa wa Maendeleo wakifuatilia Semina elekezi iliyokuwa ikitolewa na Wakufunzi wa Namaingo Jijini Mbeya

Viongozi waandamizi wa Mtaa wa Kata ya Manga Jijini Mbeya wakiwa na Mratibu wa Namaingo Mkoa wa Mbeya (wa kwanza kulia) Bw.Jotham Wilson

Mama huyu mkazi wa Jijini Mbeya akiwa ametulia na kumsikiliza kwa makini Mkufunzi wa Namaingo Bw.Jotham Wilson.

Elimu ni Bahari, Elimu haina mwisho!! Wazee wakiendelea kuifaidi Elimu ya bure iliyokuwa ikitolewa na Kampuni ya Namaingo Business Agency

Bw.Thobias Omega (wa kwanza kulia) mwanaHabari wa Blog hii akifuatilia mafunzo na kuandika mambo muhimu

Akina Mama nao hawakua mbali kwenye mafunzo, Elimu hii ni elimu yenye manufaa hivyo utulivu ulitawala

ELIMU KWA VITENDO: Baadhi ya wakazi wa Kata ya Manga wakionyesha jinsi Namaingo inavyofanya kazi kwa kuwaunganisha Serikali,Wakukima/wafanyabiashara, wanunuzi, taasisi za kifedha,wataalamu na wanasheria

Elimu ikiwa imewakolea kina mama wakati wakufunzi wa Namaingo wakiendelea kufundisha na kujibu maswali

Bi.Zenobia Ishika mmoja wa viongozi waandamizi wa Namaingo Jijini Mbeya akimsikiliza Mwezeshaji wa Semina waliyofanya kwa wananchi Jijini Mbeya

Diwani wa Kata ya Manga Mh.Newton Mwatujobe akissisitiza jambo kwa wananchi kuonyesha kuridhishwa na huduma zitolewazo na Kampuni ya Namaingo

Wakufunzi kutoka Namaingo Jijini Mbeya katika picha ya pamoja na Viongozi wa Kata ya Manga na Wakazi wa Mtaa wa Maendeleo