Wafanyabiashara Tisa wa Mtaa wa Lumumba jijini Mwanza wamepata nafasi ya kujenga upya biashara zao baada ya NMB Bank, kwa kushirikiana na Reliance Insurance, kuwalipa fidia ya Sh1.072 bilioni kufuatia moto ulioteketeza maduka na mali zao Julai 3, 2026.
Meneja wa Madai ya Bima wa NMB Bank, Madoro Max, alisema wataalamu walitumwa kufanya tathmini ya uharibifu mara baada ya taarifa za moto kupokelewa. Tathmini hiyo ilithibitisha madai ya Sh1,072,554,090 kwa wafanyabiashara tisa waliokuwa na bima.
Mkuu wa Mkoa wa Mwanza, Said Mtanda, aliwataka wafanyabiashara kulinda biashara na mali zao kwa bima. Meneja wa NMB Kanda ya Ziwa, Faraja Ng’ingo, alisema malipo hayo yatawasaidia waathirika kurejesha biashara na vyanzo vya mapato.
Reliance Insurance ilisema wafanyabiashara tisa pekee kati ya zaidi ya 60 walioathiriwa walikuwa na bima. Mmoja wa wanufaika, Zablon Deogratius, alisema fidia ya NMB itawasaidia kuanza upya baada ya kupoteza mali na mitaji yao.
.jpeg)
.jpeg)
.jpeg)
.jpeg)
.jpeg)
No comments:
Post a Comment