NHIF yaja na huduma mpya ya Toto Afya Kadi, yaingia mtaani kutoa somo

Na Grace Michael.

MFUKO wa Taifa wa Bima ya Afya (NHIF) umefanya zoezi la uhamasishaji wa huduma yake mpya ya Toto Afya Kadi kwa kutoa elimu ya namna ya kujiunga na kunufaika na huduma hiyo pamoja na kugawa vipeperushi vinavyoelezea huduma zinazotolewa na Mfuko.

Zoezi hilo limeongozwa na Mkurugenzi wa Masoko na Utafiti, Athumani Rehani ambapo maofisa wa Mfuko walihudumia wananchi mbalimbali katika barabara ya Kilwa.

Huduma ya Toto Afya Kadi inalenga kuhudumia watoto ambao ni chini ya umri wa miaka 18 ambao watajiunga na Mfuko kwa gharama ya shilingi 50,400 kwa mwaka ambapo watapata huduma za matibabu kutoka kwenye kitita cha Mfuko.

Akizungumza na wananchi mbalimbali, Bw. Rehani aliwataka wananchi kutumia fursa hiyo kwa lengo la kuondoa tatizo la kukosa matibabu kwa watoto ambao wengi wameonekana kukosa matibabu wakati wanapougua.

“Hii fursa ni kwa ajili ya watoto kundi ambalo ni kubwa na ni la muhimu kuhakikisha linakuwa kwenye mazingira mazuri ya uhakika wa matibabu hivyo wananchi ni wakati umefika wa kuwaweka watoto katika mazingira mazuri ili waweze kutimiza ndoto zao,” alisema Bw. Rehani.

Kwa upande wa wananchi walipongeza kitendo cha NHIF cha kuingia mtaani kuwafuata wananchi na kuwapatia elimu ya huduma wanazotoa kwa kuwa hatua hii itasaidia watu wengi kuanza kutumia fursa zilizopo.

Mkurugenzi wa Masoko na Utafiti wa Mfuko wa Taifa wa Bima ya Afya, Rehani Athuman akiongoza zoezi la ugawaji vipeperushi vya huduma mpya ya Toto Afya Kadi katika Barabara ya Kilwa leo.

Meneja Masoko na Elimu kwa Umma Anjela Mziray akitoa elimu ya Afya Toto Kadi

Mafisa wa Mfuko wa Taifa wa Bima ya Afya wakiendelea na zoezi.

Ofisa Matekelezo Catherine Masingisa akiendelea na elimu ya huduma za Mfuko.

Ofisa Mkaguzi wa Mfuko, Meshack Songo akiwa katika zoezi la utoaji elimu

Ofisa Elimu kwa Umma Grace Michael akigawa vipeperushi vya huduma hiyo

Ofisa Matekelezo Shazy Amasha na Maofisa wengine wakiwa kwenye zoezi la uhamasishaji.

Bw. Rehani Athumani akiendelea na zoezi la ugawaji vipeperushi.

Maofisa wa Mfuko wakiwa katika picha ya pamoja baada ya kumaliza zoezi la uhamasiahaji wa wananchi kutumia huduma za Mfuko.

Abiria wakipokea vipeperushi vyenye maelezo ya namna ya kujiunga na huduma ya Toto Afya Kadi.