MTOTO RUKIA ANAENDELEA VIZURI KATIKA HOSPITALI YA ST.WALBURG'S,NYANGAO

MTOTO RUKIA AMBAYE ALIPATWA NA JERAHA LA KUUNGUA NA MAJI YA MOTO NA KUKAA KWA MUDA BILA KUPATIKWA MATIBABU KUTOKANA NA UWEZO WA WAZAZI WAKE KUWA DUNI KIFEDHA,AKIWA KATIKA HOSPITALI YA ST.WALBURG'S HOSPITAL NYANGAO BAADA YA KUCHANGIWA FEDHA NA WADAU MBALI MBALI KWA AJILI YA MATIBABU YAKE.HAPA AKIWA KATIKA HOSPITALI HIYO MARA BAADA YA KUFANYIWA MATIBABU.

KWA NIABA YA FAMILIA YA MTOTO RUKIA NAOMBA KUCHUKUA FURSA HII KUWASHUKURU WOTE MLIOGUSWA NA KUMSADIA MTOTO RUKIA KUPATIWA MATIBABU YA HARAKA KWA JERAHA ALILOKUWA NALO.

NI FARAJA SANA KWANGU MIE NA RAFIKI YANGU VICTOR KWA JINSI AMBAVYO TUMEWEZA KUUFIKISHA UJUMBE HUU KWENU NANYI MKAWEZA KUUFANYIA KAZI KWA HARAKA SANA,KWANI MLIPOKEA MATATIZO HAYO KWA MIKONO MIWILI.

ZAIDI YA YOTE MUNGU ALIPANGA NA NINA IMANI MUNGU YUPO PAMOJA SANA NA MTOTO RUKIA KWANI TULIWAOMBA KUPITIA MITANDAO YA KIJAMII KAMA FACEBOOK,BLOGS NA MITANDAO MINGINE KUMSAIDIA MTOTO ALIETAMBULIKA KWA JINA LA SHABAN HASSAN KALEMBO BAADA YA KUKOSA MASOMO YA KIDATO CHA NNE KWA KUKOSA TSHS 45 ELFU.

TULIPOWAOMBA MLIJALI NA KURIDHIA KUMCHANGIA KWA IMANI YENU KWETU MLIMCHANGIA SANA KWA HARAKA NIA IKIWA NI KUMSAIDIA KIJANA HUYO ILI AENDELEE NA MASOMO YAKE HAYO,LAKINI KUMBE MUNGU ALITOA NURU NA UWEZO KUBAINI MATESO YA MTOTO RUKIA AMBAYE ALIUNGUA MOTO BAADA YA KUANGUKIA SUFURIA YA MAJI YA MOTO ILIYOKUWA JIKONI.

MTOTO RUKIA NA SHABAN WANAISHI KATIKA NYUMBA MOJA (NDUGU) NA MSAADA WENU ULIFANYA AGUNDULIKE RUKIA ALIEKAA ZAIDI YA WIKI TATU AKITIBIWA JERAHA LAKE HILO KUTUMIA DAWA ZA MITI SHAMBA KWA KILE KILICHOELEZWA KUWA NI UKOSEFU WA PESA YA KUMPEKEKA HOSPITAL MTOTO HUYO KWA MATIBABU.

MDAU VICTOR ALIGUSWA NA HILO NA KUAMUA KUSAIDIANA NAMI TENA KUWAOMBA KUMSAIDIA MTOTO HUYO.

MLITUAMINI NA MLIGUSWA PIA NA MATESO ALIYOKUWA ANAYAPATA MTOTO RUKIA NA MKACHANGIA MPAKA AKAFIKISHWA NYANGAO HOSPITAL.

HAKIKA NAWAHAKIKISHIA MTOTO HUYO ANAPATA MATIBABU NA HALI YAKE INAENDELEA VYEMA NA KWA UWEZO WA MUNGU MTOTO HUYO ATAPONA.

MICHANGO YENU NCHINI NA NJE YA NCHI IMEFIKIA TSH 1.5 MILION NA AHADI NYINGI ZINAENDELEA KULETWA.

NAWAOMBEA MUNGU AWAONGEZEE PALE MLIPOTOA.

AMEEN.

MDAU ABDULAZIZ VIDEO