Airtel Tanzania; Ushirikiano baina ya sekta binafsi na umma kuchochea Ukuaji Endelevu wa Kidijitali

 

Na Mwandishi Wetu

USHIRIKIANO wa kimkakati kati ya sekta binafsi na umma unatambuliwa zaidi kuwa ni chombo muhimu kwa kufanikisha faida za muda mrefu kitaifa.

Kwa kutumia ufanisi na ubunifu wa sekta ya mawasiliano sambamba na usimamizi bora wa serikali katika majukumu ya kimaendeleo, ushirikiano kama huu unaharakisha uwekezaji katika miundombinu, kuboresha utoaji wa huduma na kuimarisha maendeleo ya umma katika nyanja mbalimbali.

Airtel Tanzania inatoa mfano mzuri wa mbinu hii, ikionyesha jinsi juhudi za pamoja kati ya serikali na sekta binafsi zinavyoweza kuendeleza ukuaji wa uchumi, kupanua ujumuishaji wa kidijitali na kuchangia maendeleo ya nchi kwa ujumla.

Kwa kuwa Serikali ya Tanzania (GoT) ina hisa ya asilimia 49, Airtel inaendelea kuonyesha jinsi ushirikiano wa kimkakati kati ya umma na binafsi unavyoweza kuleta faida endelevu kwa taifa.

Mkurugenzi Mtendaji wa kampuni hiyo, Bw. Charles Kamoto, ambaye hivi karibuni alisherehekea mwaka mmoja ya uongozi wake, alisisitiza suala la kuoanisha sera za serikali na ubunifu wa sekta binafsi kuwa ni muhimu ili kuimarisha ukuaji wa kila mmoja na kukuza uchumi wa kidijitali wa nchi.

Bw. Kamoto pia alitumia fursa hiyo kuangazia maendeleo makubwa ya kampuni kwa mwaka uliopita, akibainisha kuwa, ukuaji wa kimkakati, ushirikiano na juhudi za kila mmfanyakazi vimekuwa msingi wa maendeleo ya Airtel katika kuboresha utoaji wa huduma kwa mamilioni ya Watanzania.

Pamoja na mambo mengine aliwapongeza wafanyakazi wa Airtel kwa kuendelea kuwa chachu na kuchangia katika mafanikio makubwa ya kampuni hiyo.

“Hafla hii hainihusu mimi peke yangu, bali ni sisi sote wanafamilia wa airtel Tanznaia,” alisema Kamoto akibainisha umuhimu wa rasilimali watu kama kiini cha utendaji endelevu na ubora wa operesheni.

Kwa kipindi cha miezi 12 iliyopita, Airtel Tanzania imewekeza katika kupanua wigo wa mtandao na kuboresha majukwaa ili kuunga mkono huduma za kidijitali zenye mahitaji makubwa.

Jumla ya uwekezaji ulizidi Tshs 130 bilioni, ukilenga kuweka msingi wa teknolojia za kisasa kama 5G na mifumo ya kifedha ya simu. Katika kipindi cha miaka mitano iliyopita ambapo kampuni imewekeza zaidi ya Tshs 650 bilioni katika maendeleo ya miundombinu.

“Mtandao huu wa uwekezaji wa kimkakati umeimarisha nafasi ya Airtel sokoni huku ukiboresha upatikanaji wa mawasiliano katika maeneo ya mijini na vijijini, ukipunguza pengo la uunganishwaji nchini,” Alisema Charles kamoto katika hafla iliyofanyika makao makuu ya airtel hivi karibuni.

Kupitia mpango wake ulioungwa mkono na serikali wa kujenga minara 758 mipya chini ya Mradi wa “Digital Tanzania”, Airtel Tanzania imeshirikiana na Mfuko wa Ufikiaji wa Huduma za Mawasiliano (UCSAF) ili kuboresha uunganishaji vijijini na kupanua upatikanaji wa huduma za kidijitali.

Bw. Kamoto pia alishiriki mipango ya kampuni kuhusu ubunifu, akitaja huduma za AI kama “Spam Alert” na huduma za teknolojia kama “VoLTE”.

“Kupitia “VoLTE”, hatupati tu ubora wa mawasiliano ya sauti, bali pia tunachangia katika mageuzi ya kidijitali ya Tanzania. Airtel inaendelea kuwekeza katika teknolojia za kisasa kuhakikisha wateja wetu wanauganishwa, popote walipo, kwa uzoefu bora zaidi,” alisema Bw. Kamoto.

“Nina furaha kuwajulisha Watanzania kuwa baada ya miezi kadhaa ya utekelezaji wa “VoLTE”, sasa tuko tayari kuboresha kabisa uzoefu wa wateja wetu kupitia huduma ya “VoLTE.”

Airtel chini ya uongozi wa Bw. Kamoto ilikuwa miongoni mwa wafadhili wakuu wa mapato ya serikali, ikichangia Tshs 73.9 bilioni, ikibainisha jukumu lake kama mshirika muhimu katika ukuaji wa mapato ya taifa na maendeleo ya kidijitali.

Utoaji wa mapato haya unaonyesha kuwa uwekezaji wa kampuni unaendana na vipaumbele vya taifa, kuanzia kupanua miundombinu ya kidijitali, kukuza upatikanaji wa huduma kwa wote, hadi kuendesha ukuaji wa uchumi wa kidijitali.

Ushirikiano na mashirika ya serikali, Tanzania bara na Visiwani unathibitisha dhamira ya kampuni ya Airtel kuoanisha ukuaji wa biashara na maendeleo ya taifa.

Ripoti ya robo muhula ya hivi karibuni ya TCRA inaonyesha kuwa Airtel Tanzania imethibitisha nafasi yake kama kinara wa mawasiliano ya sauti, ikishika sehemu kubwa ya trafiki ya “On-net” 35.3% na “Off-net” 29.3% kwa wezi Septemba 2025.

Aidha, kipindi cha marejeo kinaonyesha matokeo halisi ya kampeni ya Airtel ya ‘Kataa Matapeli’, inayotumia akili mnemba (AI) na huduma za arifa za “spam”, ambapo jaribio la udanganyifu limepungua kutoka 19% hadi 12% Septemba mwaka huu.

Kupitia mchanganyiko wa upanuzi wa miundombinu, michango ya kifedha, na ushirikiano wa kimkakati, kampuni imeimarisha jukumu lake kama nguzo ya mageuzi ya kidijitali nchini Tanzania.

Kwa mipango hii yote, Airtel ipo katika nafasi nzuri ya kudumisha ukuaji, kuboresha uunganishaji na kuendelea kusaidia malengo makubwa ya uchumi wa nchi katika miaka ijayo.

Mageuzi ya Ubunifu ya Airtel

Huduma ya Airtel VoLTE ilizinduliwa wakati wa Maadhimisho ya Mwaka Mmoja ya Mkurugenzi Mtendaji wa Airtel Tanzania mwishoni mwa Novemba 2025.

Ripoti ya TCRA inaonyesha kuwa usajili wa kadi za SIM za huduma za mtu-kwa-mtu (P2P) ulifikia 21.46% milioni mwezi Septemba 2025, kutoka 19.49% milioni katika robo ya mwaka uliopita, ikionyesha ukuaji wa 10.08% mwaka hadi mwaka.

Usajili wa “Machine-to-Machine” (M2M) pia uliongezeka hadi 358,500 mwezi Septemba mwaka huu kutoka 331,676 mwaka uliopita, ikionyesha ukuaji wa 8.1%.

Huduma ya simu ya kibenki (mobile money) pia imeongezeka kutoka 11,435,679 mwezi Septemba mwaka uliopita hadi 12,940,606 mwezi Septemba mwaka huu, ukuaji wa 13.2%.

Shughuli za malipo ya simu ya kibenki zimeongezeka kutoka 92,666,780 hadi 104,450,278, ongezeko la 12.7%, likionyesha upatikanaji mkubwa, kuongezeka kwa uaminifu wa wateja, na kupanua suluhisho la malipo ya kidijitali nchini.