TPDC YAENDELEA KUTOA ELIMU YA ULINZI NA USALAMA WA MIUNDOMBINU YA GESI ASILIA – LINDI

Shirika la Maendeleo ya Petroli Tanzania (TPDC) limeendelea kutekeleza jukumu lake la kisheria na kijamii la kutoa elimu kuhusu ulinzi na usalama wa miundombinu ya gesi asilia kwa wananchi wanaoishi katika maeneo yanayopitiwa na bomba la gesi nchini.

Lengo la kampeni hii ni kuongeza uelewa wa jamii juu ya umuhimu wa kulinda rasilimali za taifa, kuzuia uharibifu wa miundombinu, na kuimarisha ushirikishwaji wa wananchi katikamasuala ya usalama.

Kampeni hii endelevu inatekelezwa katika vijiji na mitaa 140 vinavyopatikana mikoa yaMtwara, Lindi, Pwani na Dar es Salaam.

Katika Mkoa wa Lindi, elimu hiyo iliendelea kutolewa katika kijiji cha Kilangala kupitia mkutano wa hadhara ulioandaliwa na TPDC, nakuhudhuriwa na wananchi, viongozi wa vijiji, viongozi wa serikali pamoja na mkuu wa Wilaya ya Lindi, Mhe. Victoria Mwanziva, ambaye alikuwa mgeni rasmi katika mkutano huo, alisisitiza wajibu wa wananchi katika kulinda miundombinu ya taifa.

“Tunapolinda bomba la gesi, tunalinda uchumi wetu, usalama wetu na mustakabali wa vizazi vijavyo. Ninaishukuru TPDC kwa jitihada hizi za kuendelea kuelimisha jamii, na nawasihi wananchi wote tushiriki kikamilifu kuripoti na kuzuia vitendo vyote vinavyoweza kuhatarisha miundombinu hii muhimu,” alisema Mhe. Mwanziva.

Kupitia kampeni hii, TPDC inaendelea kuhimiza wananchi kuacha kufanya shughuli zozote zinazoweza kuhatarisha usalama wa bomba la gesi, kama vile uchimbaji holela, kilimo karibu na miundombinu, au uvamizi wa maeneo ya hifadhi ya bomba.

Vilevile, shirikali nahamasisha wananchi kuwa mabalozi wa kulinda miundombinu ya gesi katika maeneo yao, ikiwa ni pamoja na kutoa taarifa mara moja wanapohisi au kuona viashiria vyauharibifu.

Akizungumza wakati wa mkutano huo, Afisa Maendeleo ya Jamii wa TPDC, Bw. Oscar Mwakasege, alieleza jinsi TPDC inavyotekeleza wajibu wake wa kuchangia maendeleo yajamii kupitia mpango wa Uwajibikaji kwa Jamii (Corporate Social Responsibility).

“TPDC imejikita katika kuboresha huduma za jamii kupitia miradi ya afya, elimu, maji na utawala bora. Tumekuwa tukitekeleza miradi inayogusa maisha ya wananchi moja kwa moja kama ujenzi wa zahanati, maboresho ya shule, miradi ya upatikanaji wa maji safi na ujenzi wa serikali za mitaa. Lengo letu ni kuhakikisha jamii zinazoishi karibu na miundombinu yagesi zinanufaika na uwepo wa rasilimali hii,” alisema Bw. Oscar

Katika hatua nyingine, Mkuu wa Wilaya ya Lindi, Mhe. Victoria Mwanziva, alielezaumuhimu wa kampeni hii kwa ustawi wa taifa na kuipongeza TPDC kwa jitihada zake.

“Mradi wa gesi asilia ni kichocheo cha uchumi wa taifa. Ni muhimu kwa TPDC kuendelea kutoa elimu hii mara kwa mara ili kuhakikisha wananchi wanauelewa wajibu wao na athariza uharibifu wa miundombinu. Kama serikali, tunaunga mkono kikamilifu jitihada hizi,”Alisema Mhe. Mwanziva.