TANIPAC Yadhamiria Kuondoa Sumukuvu

 MRADI wa kudhibiti Sumukuvu nchini (TANIPAC) inatarajia kujenga maabala ya Rufaa ya kilimo ikiwa ni pamoja na Kuwekea Vifaa.

Akizungumza katika Maonesho ya Nane nane yanayofanyika katika viwanja vya John  Mwakangale jijini Mbeya Mratibu wa Mradi wa TANIPAC, Clepine  Josephat amesema kuwa Maabara hiyo itajengwa katika mji wa Serikali wa Mtumba jijini Dodoma na itakuwa ya ghorofa tano kwaajili ya kukabiliana na tatizo hilo.

Amesema kuwa hapo awali Sampo za Mazao yenye sumu Kuvu yalipelekwa nchini Marekani na Ujerumani lakini kwa sasa watejenga maabala hiyo hapa nchini.

"Sampo zote sasa zitapimwa hapa nchini kwaajili ya kuhakikisha mazao yote yanakidhi Vigezo katika mazao yote yanayozalishwa kwenye halmashauri hapa nchini kwaajili ya kukidhi mahitaji ya soko la Mtanana." Amesema

Amesema Mradi huo pia utajenga soko au kituo Mahili za mazao baada ya kuvuna katika eneo la Mtanana pia katika eneo hilo kutakuwa na kiwanda na Chuo cha mafunzo.

Kujenga kituo hicho kwaajili ya lengo la kuunganisha kiwanda na maghara yaliyopo hapa nchini.

Katika hatua nyingine amesema kuwa watajenga maghala (14) ambayo yatatumika  kuhifadhia mahindi kwa lengo la  kuondoa tatizo la  sumukuvu kwenye mazao ya nafaka na mafuta pamoja na kuunganisha na kituo cha Mtanana.

Amesema baada ya ujenzi huo wanunuzi watanunua mazao katika soko hilo badala ya kwenda kununua mazao kwa mkulima.

Sumukuvu inaathiri zaidi mazao ya mahindi na karanga kutokana na namna ya na wakati wa kuvuna na kuhifadhi  ambapo  unyevuunyevu unaopatikana  kwenye mazao husababisha uotaji wa fangasi  na kuwa chanzo cha  sumukuvu.

Mradi wa TANIPAC  unalenga utakapo kamilika kuwezesha jamii kutumia njia sahihi na za kisasa za uhifadhi wa nafaka hususani mahindi kutokana na sumukuvu.

“Tatizo la sumukuvu linasababisha mazao ya wakulima kukosa bei nzuri kwenye masoko, hii hupelekea mkulima kupata hasara” Amesema.

Rais wa Jamhuri ya Muungano wa Tanzania Mhe. Samia Suluhu Hassan, akiwa na Spika wa Bunge la Jamhuri ya Muungano wa Tanzania Mhe. Dkt. Tulia Ackson, Waziri wa Kilimo Mhe. Hussein Bashe, Waziri wa Mifugo na Uvuvi Mhe. Abdallah Ulega, Mkuu wa Mkoa wa Mbeya Mhe. Juma Homera, Katibu Mkuu wa Wizara ya Kilimo Gerald Mweli pamoja na Dkt. Hussein Mohammed Omar Naibu Katibu Mkuu wa Wizara ya Kilimo wakati akikata utepe kuashiria uzinduzi wa ugawaji wa vifaa vya maafisa ugani, trekta kwa wakulima, vifaa vya kutengeneza Vihenge vya chuma kwa Vijana, bei elekezi za mbolea ya ruzuku, mradi wa uchimbaji wa visima pamoja na ugawaji wa vifaa vya mfumo wa umwagiliaji kwa matone katika Maonesho ya Kimataifa ya Wakulima Nane Nane yaliyofanyika Kitaifa Mkoani Mbeya tarehe 8 Agosti, 2023.

Vihenge vya chuma ambavyo vlitegenezwa kwaajili ya kuwekea mazao ili yasiathiliwe na Sumu Kuvu.

 Mmoja wa wafanyakazi wa Wizara ya Kilimo kupitia Mradi wa TANPAC akionesha kihenge cha Chuma cha Kuwekea Mazao ili yasiathirike na Sumu kuvu, ikiwa ni njia moja wapo ya kukabiliana na changamoto hiyo.