NAIBU WAZIRI KIGAHE ATEMBELEA KIWANDA CHA SARUJI CHA NYATI PAMOJA NA KITUO CHA BIASHARA, UGAVI NA VIWANDA CHA KURASINI - MTAA KWA MTAA BLOG

HABARI MPYA

Home Top Ad

Post Top Ad

Wednesday, 15 September 2021

NAIBU WAZIRI KIGAHE ATEMBELEA KIWANDA CHA SARUJI CHA NYATI PAMOJA NA KITUO CHA BIASHARA, UGAVI NA VIWANDA CHA KURASINI

  

   Muonekano wa Kiwanda cha Saruji cha Nyati kilichopo Kigamboni jijini Dar es salaam.

Naibu Waziri Mhe. Exaud Kigahe, akisikiliza maelezo mafupi ya namna uzalishaji wa saruji unavyofanyika kwa njia ya Kompyuta katika kiwanda cha saruji cha Nyati kilichopo Wilaya ya Kigamboni jijini Dar es salaam.

   Mwendeshaji Mkuu wa Mitambo wa kiwanda cha Nyati ndugu Biswajeet Mallik (Katikati) akimuonesha Mhe. Naibu Waziri Mhe. Exaud Kigahe, uzalishaji wa saruji unavyofanyika katika kiwanda hicho.

    Saruji inayozalishwa na kiwanda cha Nyati kilichopo Kigamboni jijini Dar es salaam.

   Muonekano wa eneo lililotengwa na serikali ambalo liko chini ya Mamlaka ya Eneo Huru kwa Mauzo Nje (EPZA) kwa ajili ya ujenzi wa kituo cha Biashara, Ugavi na Viwanda nchini (Kurasini Industrial, Trade and Logistic Centre).

  Baadhi ya Nyumba ambazo wakazi wake bado hawajahama katika eneo lilitengwa kwa ajili ya ujenzi wa kituo cha Biashara, Ugavi na Viwanda nchini (Kurasini Industrial, Trade and Logistic Centre).

  Naibu Waziri wizara ya Viwanda na Biashara Mhe. Exaud Kigahe akikagua eneo lililotengwa kwa ajili ya ujenzi wa kituo cha Biashara, Ugavi na Viwanda nchini (Kurasini Industrial, Trade and Logistic Centre).

 Clinker inayozalishwa na kiwanda cha Nyati ikiwa katika hatua za mwisho kutengeneza saruji.

Naibu Waziri Mhe. Exaud Kigahe akimsikiliza Bi. Edina Nziku mkuu wa maabara ya ubora wa saruji katika kiwanda cha Nyati kilichopo Kigamboni jijini Dar es salaam.

 Naibu waziri Mhe. Exaud Kigahe akiangalia ramani ya eneo lililotengwa kwa ajili ya ujenzi wa kituo cha Biashara, Ugavi na Viwanda nchini (Kurasini Industrial, Trade and Logistic Centre).


NAIBU Waziri Wizara ya Viwanda na Biashara Mhe. Exaud Kigahe amewahakikishia wawekezaji wote nchini kuwa Serikali ya awamu ya sita inayoongozwa na Rais wa Jamhuri ya Muungano wa Tanzania Mhe. Samia Suluhu Hassan kuwa haitachoka kusikiliza kero mbalimbali za wawekezaji nchini ili kuchochea ukuaji wa uchumi kupitia Viwanda.

Mhe. Kigahe ameyasema hayo leo tarehe 15 Septemba, 2021 alipofanya ziara katika kiwanda cha kutengeza saruji cha Nyati kilichopo Kimbiji, Wilaya ya Kigamboni Mkoa wa Dar es salaam ambapo amekutana na Mwendeshaji Mkuu wa Mitambo wa kiwanda hicho ndugu Biswajeet Mallik na kufanya nae mazungumzo.

Waziri Kigahe amesema kuwa nia ya serikali ni kuona Viwanda vyote nchini vinazalisha kwa wingi wakati wote ili kuendelea kukuza ajira ya watanzania, lakini pia malighafi zinazotengenezea saruji zinapatikana ndani ya nchi hivyo hakuna sababu kwa wasambazaji na wauzaji wa saruji kupandisha bei kwani anayeathirika ni mlaji wa mwisho.

“Nimefurahishwa na uzalishaji wa Kiwanda cha Saruji cha Nyati kinachomilikiwa na kampuni ya Lake, Kiwanda hiki kinazalisha saruji kwa kutumia Clinker wanayoizalisha wenyewe hivyo kufanya uzalishaji katika kiwanda hiki kuwa wa asilimia 100, Hivyo nimefika hapa ili kujionea uzalishaji na pia kusikiliza changamoto zao na sisi kama serikali kushirikiana na taasisi nyingine zinazohusika kama uchukuzi na Nishati kutatua changamoto hizi kwa haraka ili kiwanda hiki kiendelee kuzalisha kwa wingi, kiongeze ajira na kutumia masoko mbalimbali ya ndani na nje ya nchi likiwemo soko la huru la Kibiashara Afrika  (AfCFTA)” Amesema Mhe. Kigahe.

Kiwanda cha nyati kina uwezo uliosimikwa wa kuzalisha tani elfu sita kwa mwaka ambapo kwa sasa kizalisha kwa asilimia 100, Pia kiwanda kimeajiri wafanyakazi wa moja kwa moja wapatao 350 na ajira nyingine zisizo za moja kwa moja kama watoa huduma za chakula, wasafirishaji na wauzaji.

Aidha katika ziara hii Mhe. Kigahe ametembelea kituo cha Biashara, Ugavi na Viwanda nchini (Kurasini Industrial, Trade and Logistic Centre) na kutoa maagizo kwa wananchi ambao hawajahama kufanya hivyo ifikapo mwezi Oktoba 2021 ili Serikali iendeleze eneo hilo.

“Natoa wito kwa wananchi ambao bado wanaishi hapa kukamilisha uhamaji haraka iwezekanavyo kwani Serikali tayari imetenga fedha kiasi cha bilioni 30 kwa ajili ya uendelezwaji wa eneo hili ambapo kwa sasa tutaanza na uwekaji wa uzio wa kulinda eneo hili na pili kampuni ya BICO kutoka chuo kikuu cha Dar es salaam (UDSM) wanaendelea na upembuzi yakinifu ya uendelezwaji wa eneo hili la Viwanda na Biashara.” Amesema mhe. Kigahe.”

No comments:

Post a Comment

Post Bottom Ad