Mtaa Kwa Mtaa Blog

WAJASIRIAMALI VIJANA KUWEZESHWA KUPITIA SHINDANO

Na Leandra Gabriel, Globu ya jamii
Shirika la Tujenge Tz Innovation limeanzisha mradi kupitia shindano Ubunifu la Tujenge TZ lenye lengo la kuchochea uwezo wa vijana katika kubuni na kuboresha mfumo mzima wa uendeshaji shughuli za ujasiliamali zenye manufaa kwa jamii. Shindano hili litakuwa la wazi na haki kwa wajasiriamali  wote vijana watakaoshiriki kwa lengo la kuinua kiwango cha maisha cha jamii.

Akizungumza leo Mwanzilishi wa mradi huu ambaye pia ni Mkurugenzi mtendaji wa Unleashed Afrika, Khalila Kellz Mbowe ameeleza kuwa mradi huu umenuia kuongeza uwezekano na ukuaji wa kasi wa biashara zinazoendeshwa na vijana hivyo kuzifanya ziwe na wigo mpana wa kunufaisha jamii.

Aidha ameeleza kuwa washindi watapata fursa ya kipekee ya kuhudhuria mafunzo ya kina ya wiki moja ya kuwajengea uwezo wa kuendesha miradi yao.

Naye Kadele Mabumba Meneja mradi kwa Tanzania na Uganda wa Hanns Foundation amesema Mradi wa Tujenge Tz Innovation Challenge ni wa kukuza shughuli za ujasiriamali  wenye kuleta manufaa ya kijamii hasa ujasiriamali hapa Tanzania.

Mwanzilishi na Mkurugenzi wa True Maisha, Erick Chrispin  amesema mradi huu unalenga kuongeza ubora wa manufaa ya jamii yanayotokana na shughuli  za kijasiriamali katika maeneo yao.

Mradi huu umeanzishwa ili kuchochea uwezo wa vijana katika kubuni na kuboresha mfumo mzima wa uendeshaji shughuli za ujasiriamali zenye manufaa kwa jamii.
Shindano hilo litaendeshwa sambamba na kampuni ya Unleashed Afrika, True Maisha pamoja na shirika la Kijerumani la Hanns Seidel Foundation.
 Mkurugenzi mtendaji wa Kampuni ya Unleashed Africa, Khalila Mbowe(kushoto) akizungumza na waandishi wa habari kuhusu shindano wajasiriamali vijana lililozinduliwa leo kwa ajili ya kuinua vijana kiuchumi hapa nchini. Kulia ni Mkurugenzi Mkazi wa Shirika la Hunus Seidel - Tanzania na Uganda, Julia Berger
 Mkurugenzi Mtendaji wa Kampuni ya True Maisha, Erick Chrispin akizungumza na waandishi wa habari kuhusu watakavyosimamia shindano hilo kwa kutoa mafunzo kwa washindi watakaopatikana mara baada ya kumalizika kwa shindano hilo lililozinduliwa leo jijini Dar es Salaam. Kushoto ni Meneja Mradi wa Shirika la Hunus Seidel - Tanzania na Uganda, Kadele Mabumba.
 Meneja Mradi wa Shirika la Hunus Seidel - Tanzania na Uganda, Kadele Mabumba(katikati) akizungumza na waandishi wa habari kuhusu walivyojipanga kutekeleza shindano la wajasiliamali vijana. Kulia ni  Mkurugenzi Mtendaji wa Kampuni ya True Maisha, Erick Chrispin na kushoto ni  Mkurugenzi Mkazi wa Shirika la Hunus Seidel - Tanzania na Uganda, Julia Berger
Mkurugenzi Mkazi wa Shirika la Hunus Seidel - Tanzania na Uganda, Julia Berger akibonyeza kitufe kuashiria ufunguzi wa shindano la wajasilamali vijana kwa mkoa wa Dar es Salaam watakaoshiriki kupitia tovuti ya  www.tujengetzchallenge.co.tz.
Labels:

Post a Comment

KAMERA YA MTAA KWA MTAA

[KAMERA YA MTAA KWA MTAA][carousel2]

HABARI

[HABARI][fbig1]

SHEREHE

[HARUSI][gallery1]

MKCT

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget