HABARI MPYA

Home Top Ad



Post Top Ad

Wednesday, 14 March 2018

WIZARA KUANGALIA NJIA SAHIHI YA UBORESHAJI UTOAJI HUDUMA ZA MAJI SAFI NA SALAMA VIJIJINI

Na John Nditi, Morogoro
WIZARA ya Maji na Umwagiliaji imesema ili kuleta  ufanisi mkubwa katika usimamizi  wa miradi ya maji safi na salama  vijijini, ipo haja ya kuwa na chombo cha kusimamia  huduma za maji vijijini utakaosimamiwa na wizara kwa lengo la kuleta uwajibikaji wa karibu kwa watumishi wanaosimamia sekta ya maji nchini.

Naibu Waziri wa wizara hiyo, Jumaa Aweso alisema hayo  kwa nyakati tofauti wakati akizungumza na wananchi wa vijiji mbalimbali kikiwemo cha Dumila juu katika Kata ya Dumila, wilaya ya Kilosa, mkoani Morogoro.

Kabla ya kuzungumza na wananchi  alipata fursa ya  kukagua ujenzi wa mradi wa maji Dumila  ambao ulianza kujengwa tangu Januari 24, 2014 na kukamilishwa Desemba 15, 2017 kwa gharama ya Sh milioni 800.5.

Naibu Waziri huyo alifanya ziara ya wiki moja  mkoani Morogoro  iliyomfikisha katika   halmashauri za wilaya sita  kati ya tisa ambazo ni  Malinyi, Ulanga, Kilombero, Mvomero, Manispaa ya Morogoro na Kilosa .

Alisema  kuwa,  miradi mingi ya maji safi na salama inayotekelezwa vijijini imekosa usimamizi wa karibu, ufanisi na mingi imejengwa chini ya viwango na baadhi katika maeneo ambayo vyanzo vyake vya maji si  vya kuaminika.

Alisema  kuwa , endapo miradi mingi ya maji  saji na salama iliyoanzishwa na kutekelezwa katika maeneo mbalimbali nchini ingetoa  matokeo  mazuri ya maji kam ilivyokusudiwa  na serikali , wananchi  wangeondokana na  changamoto za uhaba na ukosefu wa  maji  safi na salama.

Hata hivyo  alisema  , ili kuleta ufanisi na usimamizi wa karibu katika miradi ya maji safi na salama kwa wananchi vijijini katika  kufikia azma ya serikali ya kuwatua ndoo kichwani mwanamke  kwa  asilimia 85  wakazi wa vijijini na asilimia 95 wa  mjini  kuna haja ya kuwa na chombo kitakachosimamia maendeleo ya  Maji Vijijini.

Pmoja na hayo alisema kuwa,  baadhi ya wataalamu washauri wa miradi  ya maji ,  wakandarasi na wahandisi wa maji ngazi za mikoa na  wilaya  wanachangia kuhujumu serikali  kutokana na kupeana kazi kwa njia ya ujanja ujanja na kuiibia serikali fedha kwa kushindwa kukamilisha miradi  ya maji kwa wakati ..

Hivyo alisema , wizara itachukua jukumu la kuorodhesha  makampuni ya washauri wa miradi ya maji  na ukandarasi wa ujenzi  yatakayobainika  kuihujumu  serikali  kwa kutoa ushauri mbovu ama kujenga miradi chini ya kiwango  ili Bodi ya Wakandarasi iweze kuwachukulia hatua za kuwafutia usajili wao.

“ Wizara itaanza  hatua za kisheria  dhidi ya wakandarasi  wa miradi ya maji watakaobainika wanaihujumu serikali kutokana na kukosa sifa ya kuwa wakandarasi  na kujenga miradi chini ya kiwango  na  kusababisha ucheleweshaji wa  jitihada za  kuwafikishia wananchi  huduma ya maji karibu  vijijini na mijini” alisema Aweso.

“ Miradi ya Maji safi na salama na ile ya   Umwagiliaji inakuwa ikitumia  fedha nyingi  za serikali, lakini  mingi haileti matokeo yanayokusudiwa kwa wananchi nahujumiwa na kusababisha wananchi wanjenga chuki na serikali yao” alisema Aweso.

Alisema , katika ziara yake katika mkoa amebaini kuna hali ya kuindana na kuwaomba madiwani wa halamshauri za wilaya hizo kuchukua hatua kwa mtaalamu yoyote anayewahukumu kwa kuwa Baraza la Madiwani ina nguvu ya kuchukua hatua dhidi ya wataalamu wa sekta mbalimbali kwenye  halmashauri.

Naye Kaimu Katibu Tawala msaidizi  mkoa wa Morogoro anayeshughulikia maji ,Mhandisi Beatrice Kasimbazi alisema , Serikali kupitia Wizara ya Maji na Umwagiliaji imelipa kiasi cha Sh bilioni 4.2  zikiwa ni fedha za madeni ya wakandarasi , usimamizi , uandaaji na uendeshaji wa vyombo vya watumia maji (COWSOs) pamoja  na Usafi wa Mazingira kwa mkoa wa Morogoro.

Alisema  kuwa ,  juhudi za serikali ya awamu ya tano za kulipa madeni zimewezesha wakandarasi wote walikuwa wamesimama kutoka na ukosefu wa fedha , kurudi katika maeneo  ya miradi ambapo  kwa sasa ukamilishaji  unaendelea kwa kasi kubwa.

Mhandisi  Kasimbazi alisema , katika kipindi cha mwaka wa 2017/2018 kiasi cha fedha kilichopolekewa  kwenye halmashauri za mkoa wa Morogoro ni Sh 4,220,974,569 : 24.

Kiasi hicho cha fedha ni kwa ajili ya  kulipia gharama za wataalamu washauri, kuchimba visima vya maji , umasishaji kuhusu usafi wa mazingira , usimamizi na ufuatiliaji, uendeshaji wa ofisi na ujenzi wa miradi ya maji katika baadhi ya vijiji 10.

Hata hivyo alisema  fedha zilizotengwa na serikali kuu  katika bajeti kwa ajili ya programu  ya maji kwa mwaka wa fedha 2017/2018 ilikuwa ni sh 11,605,687,000 kwa ajili ya halmashauri za wilaya tisa za mkoa huo.

Alisema ,licha ya  mipango mizuri ya Serikali ,mkoa unakabiliana na changamoto mbalimbali katika utoaji wa huduma za maji , ikiwemo upungufu wa wahandisi  na mafunzi sanifu kwa ajli ya usanifu ,usimamizi na uendeshaji  wa miradi.

Kaimu Katibu Tawala msaidizi  mkoa wa Morogoro anayeshughulikia maji alisema  , mkoa una wahandisi 13 na mahitaji halisi ni wahandisi 34 na upungufu ni  wahandisi 21 , mafunzi sanifu waliopo ni 21  na  mahitaji 70 hivyo  upungufu ni 49.

Mhandisi Kasimbazi alitaja changamoto nyingine  uwezo mdogo wa wakandarasi katika kutekeleza miradi ya maji kwa wakati na kufanya huduma ichelewe kutolewa kwa wananchi.

Pia alitaja uchafuzi wa vyanmzo vya maji unaofanywa na wakulima na wafugaji kwenye vyanzo vya maji  ikiwa na ufanisi mdogo wa vyombo vya watumia maji na kuathiri uendelevu wa miradi ya maji vijijini.

 Mhandisi  Kasimbazi alisema , mkoa umechukua hatua za mikakati ya uboreshaji wa huduma za maji kwa kufanya utafiti wa vyanzo vya maji na kukamasisha uvunaji wa maji ya mvua na ujenzi wa mabwawa madogo.

Alitaja mkakati mwingine ni  kuendelea kutafuta vyanzo vingine vya fedha tofauti na Programu ya Maendeleo ya Sekta ya Maji (WSDP)  ili kugharamia uendeshaji wa miradi ambayo imekwisha sanifiwa tayari .

Hata hivyo alisema kuwa, lengo ni kufikia wastani wa kitaifa  la upatikanaji wa maji  mijini kwa asilimia 95 ifikapo mwaka 2020 na vijijini kwa asilimia 85.

 Naibu Waziri wa Maji na Umwagiliaji, Jumaa Aweso akisadia kuwapelekea mafundi wa ujenzi  kwa ajili ya  ukamilishaji  wa hatua za mwisho ujenzi wa tanki la maji lenye ujazo wa lita 150,000 katika mji wa Malinyi, ( kushoto) ni Mbunge wa Jimbo la Malinyi, Mkoani Morogoro, Dk Haji Mponda akichanganya saruji na mchanga kwa ajili ya ujenzi huo.
 Naibu Waziri wa Maji na Umwagiliaji, Jumaa Aweso akisadia kuchanganya mchanga na saruji  kwa  ajili ya  ukamilishaji  wa hatua za mwisho ujenzi wa tanki la maji lenye ujazo wa lita 150,000 mjini Malinyi na ( kushoto kwake ) ni Mbunge wa Jimbo la Malinyi, Mkoani Morogoro, Dk Haji Mponda ,  na ( wa kwanza kushoto) ni Mkuu wa wilaya hiyo Majura Kasika.
Naibu waziri wa Maji na Umwagiliaji , Jumaa Aweso,  akimsiliza Mzee Said Mazinge  wa  Kata ya Kibati, wilaya ya Mvomero , mkoa wa Morogoro  kuhusu changamoto za upatikanaji wa maji safi na salama  alipofanya ziara  wilayani Mvomero. .
 Naibu waziri wa Maji na Umwagiliaj, Jumaa Aweso akiwahutubia wakazi wa mji wa Mlimba , wilaya ya Kilombero  juu ya azma ya serikali ya awamu ya tano ya namna ya kutatua changamoto za ukosefu wa maji maeneo ya vijijini na mijini.
 Naibu waziri wa Maji na Umwagiliaj, Jumaa Aweso  akipambu maji katika moja ya kisima kirefu  mara baada ya kukizundia katika kijiji cha Chikuti, wilaya ya Ulanga kwa ajili ya kuwahudumia wakazi wa kijiji hicho .
 Mbunge wa Jimbo la Morogoro Mjini , Abdulaziz Abood ( kulia) akimkaribisha  Naibu Waziri wa Maji na Umwagiliaji, Jumaa Aweso kwenye  Ofisi ya Dc Morogoro. 
 Naibu Waziri wa Maji na Umwagiliaji, Jumaa Aweso ( kushoto) akitoa shukrani zake kwa mapokezi katika Ofisi ya CCM wilaya ya Morogoro Mjini. ( mwenye furana ya pundamilia ) ni Mbunge wa Jimbo la Moro Mjini, Abdulaziz  Abood.
 Naibu Waziri wa Maji na Umwagiliaji, Jumaa Aweso ( mwenye kofia ) akiangalia sehemu ya  uendeshaji wa mitambo ya kuchuja  maji  eneo la chanzo cha maji Mambogo, Manispaa ya Morogoro.
 Naibu Waziri wa Maji na Umwagiliaji, Jumaa Aweso  akiwahutubia wananchi katika kata ya Lukobe, Manispaa ya Morogoro  kuhusu mikakati ya serikali ya awamu ya tano ya kumtua ndoo kichwani mwanamke kwa kusogeza huduma bora za maji safi na salama.
 Sehamu ya umati wa wananchi wa Kata ya Lukobe, Kihonda, na Mkundi katika Manispaa ya Morogoro ambazo ni miongoni mwa kata tano kati ya 29 zinazokabiliwa na uhaba mkubwa wa maji wakimsililiza Naibu Waziri wa Maji na Umwagiliaji, Jumaa Aweso, ( hayupo pichani)  wakati akielezea mikakati ya serikali ya awamu ya tano ya kumtua ndoo kichwani mwanamke kwa kusogeza huduma bora za maji safi na salama.( Picha zote na John Nditi).

No comments:

Post a Comment

Post Bottom Ad