Mtaa Kwa Mtaa Blog

Ucheleweshwaji Mradi wa Kuku Wawaponza Maofisa Wilayani Uyui

MKUU wa Mkoa wa Tabora Aggrey Mwanri 

Na. Tiganya Vincent – RS Tabora
MKUU wa Mkoa wa Tabora Aggrey Mwanri amemtaka Katibu Tawala mkoa huo kuuandikia uongozi wa Halmashauri ya Wilaya ya Tabora kuwachukulia hatua wajumbe wa timu ya mradi wa Miombo Wilayani Uyui kwa sababu za kushindwa kufanya kazi na kuchelewa kuanza kwa mradi wa ufugaji kuku wenye thamani shilingi milioni tano. 
Mwanri alitoa agizo hilo jana wakati alipotembea Halmashauri hiyo kwa ajili ya kukagua miradi mbalimbali inayotekelezwa chini ya ufadhili wa Miombo ambayo ni pamoja na ufugaji nyuki, kuku, samaki, mbuzi, utengezaji wa mkaa mbadala na mingine mingi.
Alisema kuwa haiweziekani fedha ziingie kwenye Akaunti ya Halmashauri ya Wilaya ya Tabora toka mwezi Julai hadi hivi sasa hazijaelekezwa katika mradi uliokusudiwa wa uanzishaji wa kikundi cha ufugaji wa kuku kwenye vijiji husika.
Mwanri alisema kuwa Mradi huo uliokuwa utekelezwa katika vijiji vya Inonelwa, Ibiri na Msimba ungekuwa umeanza kutekelezwa mara baada ya fedha zilizopingia miezi mitatu iliyopita, hivi sasa wananchi wangekuwa wanaendelea na uzalishaji lakini wao wamezikalia tu.
“Muda wa ngonjera umekwisha …ukifanya kosa mimi nakushughulikia pale pale ili waje wanaokutetea nao niwashughulike…haiwezekana tukaendelea kufanyakazi kwa mazoea fedha zinakuja, hazipelekwi kwenye miradi iliyokusudiwa kwa sababu ya uzembe wa wachache” alieleza Mwanri.
Wajumbe ambao amegizwa wachukuliwe hatua ni wale walioko katika timu ya mradi wa miombo wilayani hapo ambao ni pamoja na Mratibu wa Mradi Wilaya Kaliua, Afisa Mifugo, Afisa Kilimo, Afisa Ushirika na Afisa Nyuki.
Kwa upande wa Mratibu wa Miombo Kitaifa Yobu Kiungo alisema kuwa athari za ucheleweshaji wa mradi wowote unaweza kusababisha mradi huo kupelekwa katika maeneo mengine ambayo yatakuwa tayari kuuchangamkia.
Alisema kuwa athari nyingine kuwa endapo miradi iliyopangwa kutekelezwa
katika eneo husika katika kipindi fulani isipofanyika kwa zaidi ya asilimia
80 inathiri hata maeneo meninge ya mkoa husika.
Kiungo alitoa wito kwa Wakurugenzi Watendaji wa Manispaa ya Tabora, Wilaya ya Tabora, Urambo na Kaliua ambapo ndipo miradi hiyo inatekelezwa kuunga mkono juhudi zinafanyika ili iweze kukamilika kwa wakati na iweze kuwa na manufaa kwa wakazi wa eneo husika.
Kwa upande wa Mkurugenzi Mtendaji Hadija Makuwani alisema kuwa alilazimika kuzuia fedha baada ya kutoridhishwa na maandalizi ya mabanda ya kuku katika vijiji hivyo.
Alisema kuwa aliamua kuchukua taadhari ili fedha hizo zisije zikapotea kwa kupeleka katika eneo ambao wanakijiji hawajiandaa na mradi.
Katika hatua nyingine Mkuu wa Mkoa amemwagiza Mkaguzi wa Hesabu za
Serikali za Mitaa kutoka ofisini kwake Hamis Mjanja kupitia miradi yote ya Miombo iliyopo katika Wilaya ya Uyui ili kuona kama thamani yake inalingana na fedha zilizotolewa na mradi.
Alisema kuwa hatua hiyo inalenga kutaka kujiridhisha kama kweli kinachoenda kwa wananchi ndio kile kilichoandikwa katika vitabu na siovinginevyo.
MWISHO 


Bilioni 15 Zahitajika Kujenga Mfumo wa Maji Taka Manispaa ya Tabora

Na. Tiganya Vincent - RS-Tabora
Mamlaka ya Maji Safi na Maji Taka katika Manispaa ya Tabora inahitaji jumla ya shilingi bilioni 15 kwa ajili ya hatua za awali za ujenzi wa mtandao wa kuondoa maji taka katika maeneo mbalimbali mjini humo.
Kauli hiyo ilitolewa hivi karibuni na Mkurugenzi Mtendaji wa TUWASA, Bwire
Mkama wakati wa uzinduzi wa Malipo kabla ya matumizi ya maji ili kukabiliana na wadaiwa sugu na wateja ambao upenda kutumia maji bila kulipia huduma hiyo kwa wakati.
Alisema kuwa lengo ni kutaka kuwa na miundo mbinu itakayosaidia kuondoa maji taka katika majumba ya watu na mitaa kwa ajili ya kupeleka sehemu ambayo yatawekwa pamoja ili kuiepushia jamii na maradhi yanaweza kusababishwa na kuzagaa kwa maji hayo.
Bwire alisema kuwa Bodi ya TUWASA iliona umuhimu kwa kuanza mchakato wa kutafuta fedha kwa ajili ya shughuli hiyo.
Alisema kuwa hivi sasa wameshaandika andiko la uwekezaji katika mtandao wa maji taka na kulipeleka Wizarani kwa ajili ya kutafuta fedha za kutekeleza mradi huo.
Bwire alisema kuwa wameamua kuchukua hatua hiyo mapema kwa sababu upatikanaji wa maji safi na salama unapoongezeka katika miji ndivyo maji taka nayo yanavyoongezeka.
Alimuomba Mkuu wa Mkoa wa Tabora kusaidia kusukuma andiko lao ili fedha ya utekelezaji wa mradi huo iweze kupatikana na kazi ianze mara moja.
Alisema kuwa hivi sasa TUWASA ina jumla ya kilometa 20 tu za mtandao wa maji taka katikati ya mji wa Tabora ambapo ni asilimia 6 tu ya wakazi wa Manispaa ya Tabora ndio wameunganishwa katika huduma hiyo.
Aidha alisema kuwa hivi sasa wanashirikiana na Manispaa ya Tabora ili kuanisha maeneo ambayo wanaweza kujenga mabwawa ya kuhifadhi maji taka.
Kwa mujibu wa Bwire, mabwawa yaliyopo hivi sasa hajatoshi kutokan na ongezeko kubwa la uzalishaji wa maji taka.
Akijibu hoja hiyo Mkuu wa Mkoa wa Tabora Aggrey Mwanri alikubali kushirikiana na TUWASA katika kuhakikisha andiko hilo linafanikiwa na mradi unaanza ili kuboresha huduma hiyo na kuepusha jamii na magonjwa.

Labels:

Post a Comment

KAMERA YA MTAA KWA MTAA

[KAMERA YA MTAA KWA MTAA][carousel2]

HABARI

[HABARI][fbig1]

SHEREHE

[HARUSI][gallery1]

MKCT

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget