HALI YA HEWA YA ZAMANI YAANZA KUREJEA HIFADHI YA MLIMA KILIMANJARO

Baada ya kukosekana mvua kwa muda mrefu katika maeneo yanayozunguka Mlima Kilimanjaro kutokana na uharibifu wa mazingira ikiwa ni pamoja na ukataji wa miti hovyo,sasa hali ya zamani imeanza kurejea.

Kurejea kwa hali hiyo kumetokana na jitihada za mkuu wa mkoa wa Kilimanjaro Leonidas Gama pamoja na Hifadhi ya taifa ya Mlima Kilimanjaro (KINAPA) ,kushiriki katika utunzaji wa mazingira kwa kuzuia wananchi walioishi jirani na maeneo yanayozunguka mlima Kilimanjaro kuingia katika eneo la nusu maili kufanya uharibifu katika misitu ya asili,Mito iliyokuwa imekauka sasa imeanza kutirisha maji kama ilivyokuwa zamani.

Wananchi ambao awali walilazimika kuingia ndani ya Hifadhi ya Mlima Kilimanjaro (KINAPA) kwa ajili ya ukataji wa majani kwa ajili ya mifugo yao ,sasa hivi hali ni tofauti wamekuwa wakikata majani waliyootesha wenyewe na kustawi kutokana na mvua zinazoendelea kunyesha katika maene hayo,na sasa hawaingii tena katika hifadhi ya taifa ya mlima Kilimanjaro kukata majani.

Mmoja wa wafugaji Ludovick Meela Serik akifurahia hali ya upatikanaji wa majani kwa ajili ya mifugo yake ilivyo sasa.

Majani kwa ajili ya mifugo kwa sasa yanapatikana na hata afya sasa imeanza kurejea tofauti na ilivyokuwa hapo awali.

Kina mama ambao wamekuwa wakijishughulisha na kilimo cha Mboga mboga wamekuwa wakifanya biashara vizuri kutokana na upatikanaji wa mboga ambazo kwa sasa zimekuwa zikipatikana kwa wingi tofauti na hapo awali ambapo wamekuwa wakisafirisha mboga hizo hadi nchi jirani ya Kenya.

Mkurugenzi wa shirika lisilo la kiserikali la FLORESTA ,Richard Mhina akizungumza na wanahabari (hawapo pichani) namna ambavyo shirika lake lilivyo saidia vikundi mbalimbali katika kampeni za utunzaji Mazngira kwa kuotesha miti pamoja na uanzishwaji wa vitalu vya miti.Picha na Dixon Busagaga wa kanda ya kaskazini.