SHILINGI BILIONI 13.5 ZAKUSANYWA MFUKO WA FAIDA FUND, WAWEKEZAJI 3,800 WAJIANDIKISHA

 

Na Mwandishi Wetu, Michuzi TV

MKURUGENZI Mtendaji wa Watumishi Housing Investmet Dk.Fredy Msemwa amesema wawekezaji 3,800 wamejiandikisha kuwekeza kwenye Mfuko wa FAIDA FUND na hivyo kufanikiwa kukusanya Sh.bilioni  13.5 katika kipindi kifupi.

Akizungumza leo jijini Dar es Salaam Dk.Msemwa amesema pamoja na mambo mengine kiwango cha uwekezaji katika mfuko huo kimeendelea kukua siku hadi siku, hivyo kuongeza mafanikio makubwa ya mfuko huo.

“Mpaka tunafunga  mauzo ya mwanzo Desemba 31,2022 tumefanikiwa  kukusanya kiwango kikubwa na hivyo kuvuka malengo ambayo tulikuwa tumeyaweka.Mafanikio haya yanatokana na watu wengi kutumia teknolojia rahisi na matumizi ya simu, mitandao ya kompyuta ambayo imesaidia kuufikia mfuko huo kwa wepesi na hivyo kufanikisha makusanyo hayo.”

Ameongeza kwamba watu wengi wameufikia mfuko wa FAIDA FUND na kufanya uwekezaji ambao umewezesha kukusanywa fedha Sh.bilioni 12.95 hadi kufikia Desemba 31,2022 na kwa sasa kiasi hicho kimeongezeka mpaka kufika Januari 11, 2023 wamekusanya Sh.bilioni 13.5 na kuongeza kiasi cha fedha kimeendelea kukua siku hadi siku.

Pia  thamani ya kipande awali ilikuwa 100 na sasa imeongezeka kwa shilingi 100.54 huku akifafanua hayo yamewezekana kutokana na matumizi ya mfumo rahisi wa malipo Serikali ambao umewaletea faida kubwa ikiwemo ya utambuzi wa miamala kufanyika kwa kasi kubwa.

Pia amesema faida nyingine mfuko huo unawezesha fedha zinazowekezwa kuwa salama ambapo tayari fedha hizo zimeingizwa kwenye uwekezaji wa dhamana za Serikali za muda mrefu mwaka  2022/2025. “Wawekezaji pia wamepata faida katika Mfuko huo kutokana na gharama zake kuwa ndogo kwani wanalipa kidogo kwa ajili ya mtandao na zinazobaki zinaingizwa serikalini.”

Mkurugenzi Mtendaji wa Watumishi Housing Investmet Dk. Fredy Msemwa wakati akizugumza na waandishi wa habari (hawapo pichani)juu  mauzo ya hatifungani katika fuko wa FAIDA FUND uliowekezwa na Shirikala Watumishi Housing  Investiment  leo jijini Dar es Salaam Mkuu wa Kitengo cha Kusimaia Uwekezaji kwenye Masoko ya Mitaji na Dhamana Benki ya CRDB,Masumai Hemed akielezea namna wawekeaji walivyochangamkia uwekezaji huo kupitia benki ya CRDB leo jijini Dar es Salaam.Meneja Maendeleo ya Biashara na Masoko Benki CRDB, Mary Mponda  akifafanua jambo kwenye Mkutano hum ulifanyika leo jijini Dar es Salaam.

Sehemu ya watumishi wa Watumishi Housing Investmet wakiwa kwenye Mkutano huo uliofanyika leo jijini Dar es Salaam.

Picha ya pamoja (PICHA NA EMMANUEL MASSAKA WA MICHUZI TV)