WAKAZI WA KIJIJI CHA NYALAILEMBO MKOANI MBEYA WAANZA KULA MATUNDA YA SERIKALI YA AWAMU YA SITA

 

UJENZI wa mradi wa maji Shizuvi kijiji cha NyalaIlembo Halmashauri ya wilaya Mbeya mkoani Mbeya uliotekelezwa na wakala wa maji na usafi wa mazingira vijijini(Ruwasa),umekamilika kwa asilimia 100 na hivyo kumaliza kabisa kero ya upatikanaji wa huduma ya maji safi na salama iliyokuwepo kwa wakazi wa kijiji hicho kabla na baada ya Uhuru.

Mradi huo umetekelezwa kwa gharama ya Sh.milioni 482 kupitia fedha za mpango wa maendeleo kwa ustawi wa Taifa na mapambano dhidi ugonjwa wa Uvico-19, utahudumia takribani wakazi 2,474.

Msimamizi wa mradi huo Mhandisi Felix Msangi alisema,mradi wa maji wa Shizuvi ni miongoni mwa miradi sita iliyotekelezwa na wakala wa maji na usafi wa mazingira vijijini(Ruwasa) kwenye majimbo sita mkoani Mbeya.

Baadhi ya akina mama wa kijiji cha Nyalailembo Halmashauri ya wilaya Mbeya mkoani Mbeya wakichota maji katika moja ya vituo vya kuchotea maji kilichojengwa kupitia mradi wa maji wa Shizuvi.