SERIKALI KUWAPANGA UPYA WANANCHI WALIOVAMIA ENEO LA HIFADHI NANYUMBU - MTAA KWA MTAA BLOG

HABARI MPYA

Home Top Ad

Post Top Ad

Thursday, December 29, 2022

SERIKALI KUWAPANGA UPYA WANANCHI WALIOVAMIA ENEO LA HIFADHI NANYUMBU

 

Na Munir Shemweta, WANMM NANYUMBU

 

Serikali imeamua kuwapanga upya wananchi wa vijiji viwili vya Mbagala Mbuyuni na Marumba wilayani Nanyumbu mkoani Mtwara ili kutatua migogoro ya matumizi ya ardhi na kuleta usalama kwenye maeneo hayo.

Akizungumza na wananchi wa kitongoji cha Wanika kata ya Mkonona tarafa ya Nanyumbu wilaya ya Nanyumbu mkoani Mtwara tarehe 28 Desemba 2022 wakati wa ziara ya Mawaziri wa Wizara za Kisekta, Waziri wa Adhi Nyumba na Maendeleo ya Makazi Dkt Angeline Mabula alisema, kitakachofanyika kila kijiji kitapewa utaratibu utakaosimamiwa na mkuu wa mkoa atakayewapanga wananchi wake na kuyaacha maeneo ambayo si salama kukaliwa na wananchi huku akisisitiza hakuna haki ya mtu itakayopotea.

"Mhe Rais anatambua tunayo shule yenye madarasa matatu, na hapa tulipo kuna kaya 94 ambazo ziko hapa na ukienda kitongoji jirani ziko kaya 134 hivyo serikali inajua idadi ya watu kwenye maeneo hayo na mahitaji yao" alisema Dkt Mabula.

Aliongeza kuwa, timu ya mawaziri nane wa wizara za kisekta inayozunguka nchi nzima kuzungumza na wananchi sambamba na kuwafahamisha dhamira njema ya serikali yao katika kuhakikisha inalinda usalama wao pamoja na usalama wa mipaka ya nchi.

Kwa mujibu wa Dkt Mabula ambaye ni Mwenyekiti wa Kamati ya Mawaziri nane wa wizara za kisekta, serikali itafuata utaratibu mzuri wa kuwapanga wananchi wa maeneo hayo kwenye vijiji husika ili kila mtu aweze kuendelea na maisha yake bila tatizo kwa kuwa Rais wa Jamhuri ya Muungano Mhe Dkt. Samia Suluhu Hassan amejibu hoja ya changamoto iinayowafanya wananchi kuhama hama maeneo hayo.

"Kama mhe rais ametoa kinachostahili kipi ambacho kitakuwa kimebaki, ecolojia tunataka kuiona inavyokwenda ninyi wote ni mashahidi ukipita huo kina cha maji ki azidi kupungua kuna mahali unaona mchanga ni kwa sababu shughuli za kibinadamu zimeenda katika vyanzo vya maji" alisema Dkt Mabula
Waziri wa Ardhi Nyumba na Maendeleo ya Makazi ambaye ni Mwenyekiti wa Kamati ya Mawaziri Nane wa Wizara za Kisekta Dkt Angeline Mabula akiwasili mkoani Mtwara na Mawaziri wenzake kwa ajili ya ziara ya siku moja ya utatuzi wa migogoro ya matumizi ya ardhi katika vijiji 975 tarehe 28 Desemba 2022.
Waziri wa Ardhi Nyumba na Maendeleo ya Makazi ambaye ni Mwenyekiti wa Kamati ya Mawaziri Nane wa Wizara za Kisekta Dkt Angeline Mabula akizungumza wakati walipowasili ofisi ya Mkuu wa mkoa wa Mtwara tarehe 28 Desemba 2022. Kulia ni Mkuu wa Mkoa wa Mtwara Kanali Ahmad Abbas Ahmed na kushoto ni Naibu Waziri wa Maji Meryprisca Mahundi.

Waziri wa Ardhi Nyumba na Maendeleo ya Makazi ambaye ni Mwenyekiti wa Kamati ya Mawaziri Nane wa Wizara za Kisekta Dkt Angeline Mabula akizungumza na wananchi wa kitongoji cha Wanika wilayani Nanyumbu mkoa wa Mtwara tarehe 28 Desemba 2022.


Sehemu ya wananchi wa kitongoji cha Wanika wilayani Nanyumbu mkoani Mtwara wakimsikiliza Waziri wa Ardhi Nyumba na Maendeleo ya Makazi Dkt Angeline Mabula (Hayupo pichani) wakati Kamati ya Mawaziri Nane wa Wizara za Kisekta ilipotembelea eneo hilo tarehe 28 Desemba 2022.
Waziri wa Ardhi Nyumba na Maendeleo ya Makazi Dkt Angeline Mabula (Wa pili kulia) na Waziri wa Maliasili na Utalii Balozi Pindi Chana (wa pili kushoto) wakifuatilia hoja zilizowasilishwa na wananchi wa kitongoji cha Wanika wilayani Nanyumbu mkoa wa Mtwara tarehe 28 Desemba 2022.

Waziri wa Ardhi Nyumba na Maendeleo ya Makazi Dkt Angeline Mabula akiwaoongoza Mawaziri wenzake wa Kamati ya Mawaziri Nane wa Wizara za Kisekta kuondoka kitongoji cha Wanika wilayani Nanyumbu mkoa wa Mtwara mara baada ya kumaliza mkutano na wananchi tarehe 28 Desemba 2022. (PICHA ZOTE NA WIZARA YA ARDHI)

 

No comments:

Post a Comment

Post Bottom Ad